Тарихда ўчмас из қолдирган севимли совет фильмларини қайта-қайта кўрганда зийрак томошабинлар илгари ҳеч ким пайқамаган турли хатоликларни аниқлайди. Бундай фильмлардаги хатоларга ҳар кимнинг муносабати ҳар хил. Баъзилар дарҳол режиссёрларни эътиборсизликда айблай бошласа, бошқалар буни севимли фильмини қайта кўриш учун яна бир сабаб деб тушунади.
“Ишдаги ишқ” комедиясида модага риоя қилувчи, қувноқ ха ҳушчақчақ котиба Верочкани актриса Лия Ахеджакова ижро этган. Бундан аввал у бир нечта фильмларда эпизодик ролларда, шу жумладан Элдар Рязановнинг “Тақдир ҳазили ёки қушдек енгил бўлинг” фильмида иштирок этган. Ҳозир актриса 86 ёшда, лекин кўпчилик ҳали ҳам унинг Верочка образида ёдга олади.
“Ишдаги ишқ” сюжетига кўра, Людмила Профокевна Калугина офисдаги энг назокатли ва нозик дидли ишчи — Верочкадан нафосат сирларини ўзлаштиришга қарор қилади ва ўз котибасига маслаҳат сўраб мурожаат қилади ва уни хонасига таклиф қилади.
Калугина билан суҳбатда, Верочка аёлларга хос этика ва ноз-карашмаларни ўргатиш чоғида қаҳрамоннинг тирноқлари ёрқин қизил лак билан қопланганини кўриш мумкин.
Сўнг ўша вақтда инвентаризация комиссияси офисга кириб келади, натижада Калугина ва Верочка тинчроқ жойга — мажлислар залига кўчиб ўтади. Кейинги кадрларда эса Верочканинг тирноқларидаги қизил лакдан дарак йўқлигини кўриш мумкин.
Бунга ўзингиз гувоҳи бўлишингиз учун фильмни 1 соат 12 дақиқасидан бошлаб қайта томоша қилиш мумкин.
1977 йилда режиссёр Элдар Рязановнинг “Ишдаги ишқ” трагикомедиясининг премераси бўлиб ўтган. Мазкур фильм 1978 йилда фильмлар прокатида етакчилик қилди, лойиҳани Совет Иттифоқида 58 миллиондан ортиқ инсон томоша қилган.
Фильм Элдар Рязановнинг Эмил Брагинский билан бирга театр учун ёзган “Ҳамкасблар” номли қиссаси асосида суратга олинган ва 1979 йил РСФСР Давлат мукофоти билан тақдирланган. Сюжетга кўра, фильмда Москвадаги статистика қўмитасининг турмушга чиқмаган раҳбари Людмила Калугина ва унинг қўл остида ишловчи иқтисодчи ходим Анатолий Новоселцевнинг нафрат билан бошланган муносабатларининг севгига айланиши кўрсатиб берилган.
Изоҳ (0)