“Калмар ўйини”да ҳар бир детал муҳим аҳамиятга эга. Агар иштирокчиларнинг рақамлари диққат билан ўрганиб чиқилса, уларнинг тақдири ўйин бошланишидан олдин қандай тугаши маълум бўлади.
067 — Кан Се Бек: қурбонлик ва ўзини қурбон қилиш
Шимолий кореялик қочқин Кан Се Бек (Чон Хо Ен) 067 рақамида ўйнайди. Нумерологияда 6 — бошқаларга ғамхўрлик қилиш, 7 — ҳақиқатни излаш ва донолик рамзи. Улар биргаликда яқинлари учун ўзини қурбон қилишга тайёр инсон образини яратади.
Сериалда ҳам айнан шундай бўлади: Кан ўйинда ўзи учун эмас, балки укасини қутқариш ва оиланинг тоталитар тузумдан чиқиб кетишига ёрдам бериш учун иштирок этади. Унинг рақами бу — унинг йўли мураккаб ва фожиали бўлишидан огоҳлантиради.
456 — Сон Ги Хун: ғалаба қозониши керак бўлган одам
Бош қаҳрамон Сон Ги Хун (Ли Жон Же)даги 456 рақами алоҳида маънога эга. Нумерологияда 4-5-6 кетма-кетлиги аста-секин олдинга силжиш, маънавий ўсиш ва мақсадга эришишни англатади.
Ги Хун ҳаётда ютқазган, ишсиз, қарзга ботган, оиласи барбод бўлган инсон бўлишига қарамай, унинг рақами сен тўғри йўлдасан, шунчаки ҳаракатланишда давом эт, дегандек бўлади.
218 — Чо Санг Ву: ақл ва ахлоқ ўртасидаги мувозанат
Чо Санг Ву (Пак Хе Су) — ҳисоб-китобли, ақлли ва шуҳратпараст бўлиб, у хонавайрон бўлган ва фирибгарликда айбланган. Унинг 218 рақами ўзининг феъл-атворини акс эттиради: 2 — дипломатиянинг, 1 — етакчиликнинг, 8 эса карма ва мувозанат рамзидир.
У ажойиб стратег, лекин одамгарчилиги йўқ, ўз манфаати учун бошқаларни қурбон қилади. У совуққон ва ҳисоб-китоб билан иш қилади, у рақибларини ўлдиради — лекин охирида хатосини тушунади.
199 — Али Абдул: ўйинда ўрни бўлмаган, содда меҳрибон
Ҳиндистонлик муҳожир Али (Анупам Трипати) пок қалб ва маънавий йўлни ифодаловчи 199 рақамида ўйнайди. Унинг бу шафқатсиз дунёда ўрни йўқ, у корейс жамиятининг йиртқич қонунлари қандай ишлашини тушунмайди ва атрофдагиларнинг меҳрибонлигига ишонади.
Унинг сонида иккита тўққиз бор, бу циклнинг тугашини кўрсатади. У ҳаммага ишонади ва соддалиги учун жабрланади.
001 - О Ил Нам: ҳақиқий лидер
О Ил Нам (О Янг Су) 001 рақамида ўйнаши тасодиф эмас. Корейс маданиятида 1 — етакчилик, устунлик, ҳокимиятни ифодалайди.
Кейинчалик биламизки, у ўйин яратувчиси, ўйинчиларнинг азобланишини кўриб роҳатланадиган миллиардер. Унинг рақами бутун тизимнинг бошида турганини кўрсатади, у ҳамма нарсанинг бошланиши.
101 — Чан Док Су: ақлга бўйсунмайдиган куч
Нумерологияда такрорланувчи бирликлар амбиция ва ҳокимиятга интилишни англатади, улар орасидаги нол эса чексиз салоҳиятни кўрсатади. Чан финалга чиқиши мумкин эди, аммо шафқатсизлиги ва ҳис-туйғуларини назорат қила олмаслиги уни ҳалокатга олиб келди.
212 - Хан Ми Нё: манипуляция санъати
Севгига мойил Хан Ми Нё (Ким Чжу Ен) 212 рақамида юради. Бу рақам одамларни тушуниш, уларга таъсир ўтказиш ва ўз мақсадига эришиш қобилиятини англатади. У атрофдагилардан ўз манфаати йўлида қандай фойдаланишни билади. Ҳатто ўлими олдидан ҳам унга хиёнат қилган Док Судан ўч олиш имкониятини қўлдан бой бермайди.
Агар иштирокчиларнинг рақамлари диққат билан ўрганиб чиқилса, уларнинг тақдири ўйин бошланишидан олдин қандай тугаши маълум бўлади.
218 (Санг Ву) ғалаба қозона олмайди, чунки унинг сони ақл ва ахлоқ ўртасида мувозанатни сақлайди ва у ёвузлик йўлини танлайди.
001 (О Ил Нам) — ўйин асосчиси эди ва ҳамма нарсани олдиндан биларди.
067 (Кан Се Бек) — фидойилик рамзи ва унинг омон қолиш имконияти йўқ эди.
199 (Али) — бу дунёда ўрни бўлмаган одам.
Изоҳ (0)