3 февраль куни “Грэмми” мукофотининг 67-маросими бўлиб ўтди. Анъанага кўра, бу мукофот мусиқа соҳасидаги ютуқлар учун топширилади.
Бироқ мукофот аллақачон ўз доирасини кенгайтириб, ғолибларини бошқа яқин соҳаларда ҳам, жумладан, энг яхши аудиокитоб ўқиш ёки стендап концерт ёзуви учун ҳам тақдирлайди.
Жейми Фокс
Жейми Фокс кино, мусиқа ва стендап комедия соҳаларида фаолият юритадиган универсал ижодкор. Унинг энг сўнгги What Had Happened Was... номли чиқиши юлдузнинг икки йил олдинги шошилинч касалхонага ётқизилиши ҳақида.
Америка ОАВ актёрнинг аҳволи жуда оғир экани ҳақида тўхтовсиз хабар тарқатган бўлса-да, у сукут сақлаган ва воқеага деярли изоҳ бермаган. Бу ҳақда у ўз чиқишида батафсил ва ўзига хос юмор билан сўзлаб берди.
Бироқ “Грэмми” мукофотини унга комедия эмас, балки мусиқа олиб келди. 2010 йилда у рэпер Т-Pain билан биргаликда яратган “Blame It” треки учун “Дуэт ёки вокал гуруҳининг энг яхши R&B ижроси” номинациясида ғолиб бўлди.
Айтганча, бу Фокснинг ягона “Грэмми”си бўлиб, у умумий ҳисобда тўққиз марта ушбу мукофотга номзод бўлган.
Вупи Голдберг
Голдберг EGOТ деб аталувчи фахрли ва энг юксак унвонга эришган 27 нафар санъаткордан биридир. Бу шуни англатадики, унинг мукофотлари орасида телевизион “Эмми”, мусиқий “Грэмми”, кинодаги “Оскар” ва театр соҳасидаги “Тони” мукофотлари мавжуд — бу ҳар қандай санъаткор учун мутлақ ютуқ ва тасаввур қилиб бўлмас чўққидир.
Актриса “Руҳ” драмасидаги иккинчи даражали роли учун “Оскар” мукофотини қўлга киритган. У “Тhе View” ток-шоусида бошловчилик қилгани ва “Beyond Tara: The Extraordinary Life оf Hattie МcDaniel” ҳужжатли фильми устида ишлагани учун иккита “Эмми” мукофотига сазовор бўлган.
Голдбергга “Тони” мукофотини “Жуда замонавий Милли” мусиқали спектаклидаги роли келтирган. Актриса эса “Энг яхши комедия альбоми” номинациясида “Whoopi Gold: Original Broadway Show Recording” номи остида “Греммй” мукофотини қўлга киритган.
Керри Фишер
2016 йилда “Юлдузлар жанги” фильмининг юлдузи “Кундалик ёзувчи малика” номли шахсий хотираларини нашр этди. Китобда актриса Жорж Лукаснинг космик франшизаси биринчи қисмида суратга тушган даврдаги ҳаёти ҳақида ҳикоя қилди.
У ерда малика Лея ролини ижро этгани сабабли китоб сарлавҳаси шунга ишора қилади. Ўз китобининг саҳифаларида Фишер лойиҳага қандай келиб қолгани, ҳамкасби Ҳаррисон Форд билан қисқа муддатли ишқий муносабати ва машҳур лойиҳанинг суратга олиш майдонидан ташқаридаги ҳаёти қандай кечгани ҳақида сўзлаб берди.
2017 йилда, вафотидан сўнг (актриса 2016 йил 27 декабрда ҳаётдан кўз юмган эди) у шахсан аудиокитоб шаклида ёзиб қолдирган автобиографиясининг аудио версияси учун “Грэмми” мукофотини қўлга киритди.
Патрик Стюарт
“Икс одамлар” юлдузининг ҳисобида кўплаб мукофотлар ва янада кўпроқ номинациялар мавжуд, жумладан, учта “Грэмми” номинацияси ва битта ғалаба ҳам бор.
Актёр 1993 йилда Чарльз Диккенснинг ўзи ўқиган “Рождество қўшиғи” аудио версияси учун ва 2001 йилда “Шекспир сонетларининг тўлиқ тўплами” аудио тўплами учун номзод бўлган, аммо ғалаба қозона олмаган.
Бироқ 1996 йилда у “Болалар учун энг яхши альбом” номинациясида ғолиб бўлди. Стюартга мукофотни Сергей Прокофевнинг “Петя ва бўри” номли симфоник эртаги ёзуви келтирди.
Кейт Уинслет
Уинслет ҳам EGOТ мақомига эришганлар сафига қўшилишга жуда яқин келди. Британиялик актрисага фақат “Тони” театр мукофоти етишмаяпти.
Бошқа томондан, унинг мукофотлари ва номинациялари рўйхатига ҳавас қилмасдан илож йўқ: у “Қироатчи” фильми учун “Оскар”ни, “Милдред Пирс” мини-сериали ва “Исттаунлик Мэйр” детективи учун иккита “Эмми” мукофотини, шунингдек, ўз карьерасининг бошланишида — 2000 йилда қўлга киритган “Грэмми” мукофотини қозонишга эришди. Ҳайкалчани унга “Титаник” фильмидан сўнг дарҳол ёзиб олинган “Ҳикоячини тингланг” номли болалар аудио тўплами устидаги иши келтирди.
Ҳоакин Феникс
Феникс иккинчи “Жокер” фильми тўсатдан мюзикл бўлиб чиқишидан анча олдин экранда қўшиқ куйлаган эди. 2005 йилда актёр кантри афсонаси Жонни Кеш ҳақидаги “Чегарани босиб ўтиш” номли мусиқий биографик фильмда рол ижро этди. Бу рол унга “Олтин глобус” ва Британия киноакадемиясининг BAFTA мукофоти каби кўплаб нуфузли номинациялар ва мукофотлар келтирди.
Бироқ улар орасида энг кутилмагани “Грэмми” мукофоти бўлди. Бу мукофот унга Кешнинг қўшиқларини шахсан ижро этгани учун “Кино, телевидение ёки бошқа визуал медиа учун энг яхши саундтрек” деб номланган мураккаб категорияда топширилди.
Айтганча, бир неча йил ўтгач, Бредли Купер ҳам ўзининг “Юлдуз туғилди” номли режиссёрлик мусиқий драмаси учун саундтрек яратгани учун худди шу тоифадаги мукофотни қўлга киритди. У бу мукофотни Леди Гага ва бошқа бир гуруҳ муаллифлар билан баҳам кўрди.
Рашида Жонс
“Офис” сериали юлдузи марҳумнинг қизи бўлиб, у машҳур бастакор ва мусиқа продусери Куинси Жонснинг қизи ҳисобланади. Куинси Жонс ажойиб карьера қилиб, 2016 йилда EGOТ унвонига сазовор бўлган.
Унинг ютуқлари қаторида 30 га яқин “Грэмми” мукофоти, “Илдизлар” мини-сериали учун “Эмми” мукофоти, 2016 йилги “Пушти дала гуллари” спектаклини продюсерлик қилгани учун “Тони” мукофоти ҳамда Жин Хершолт номидаги мукофот — ажойиб инсонпарварлик фаолияти учун бериладиган фахрий “Оскар” мукофоти мавжуд.
Унинг қизи Рашида Жонс ҳам ўз фаолиятини мусиқа соҳасида бошлаган — масалан, Maroon 5 гуруҳининг биринчи студиявий альбоми ёзувида қўшимча қўшиқчи бўлиб иштирок этган. Бироқ Рашида ўзининг “Грэмми” мукофотини бошқа соҳада қўлга киритди: 2018 йилда у Netflix учун отасига бағишланган “Куинси” номли ҳужжатли фильмни ҳамрежиссёр, ҳаммуалиф ва ҳампродюсер сифатида суратга олди. Ушбу лойиҳа “Энг яхши мусиқий фильм” номинациясида ғалаба қозонди.
Робин Уильямс
Машҳур комедиячи ва фожианавис узоқ кариераси давомида еттита “Грэмми” мукофоти номинациясига сазовор бўлди, шулардан бештасида ғалаба қозонди. 1980 йилда Уильямс ўзининг “Reality... What а Concept” номли яккахон стендап чиқиши учун энг яхши янги ижрочи деб тан олинди.
1984 йилда у ўзининг учинчи стендап концерти — “А Night ат thе Меt”нинг аудио версияси учун мукофот билан тақдирланди. Бир йил ўтиб, у тўртинчи ҳайкалчани қўлга киритди — “Пекос Билл” болалар китобини овозлантиргани учун. Ва ниҳоят, 2003 йилда актёр ўзининг юбилей “Грэмми”сини “Robin Williams Live” концертининг аудио версияси учун “Энг яхши комедия альбоми ёзуви” номинациясида қўлга киритди.
Изоҳ (0)