Ҳема Малини 76 ёшда: афсонавий ҳинд актрисаси иштирокидаги энг сара фильмлар (видео)

2024 йилнинг 16 октябрь куни ҳинд актрисаси Ҳема Малини 76 ёшга тўлди. У нафақат ҳинд киносининг суперюлдузи, балки раққоса, продюсер, режиссёр, ҳатто сиёсатчи ҳамдир.

Ҳема Малини болалигидан актриса бўлишини биларди. Аммо ҳинд киносига қандай қўйиш осон эмасди, шунинг учун Ҳема турли услубларда рақс тушишни ва қўшиқ айтишни ўрганади. Бўлажак актрисанинг онаси киностудияда продюсер бўлган, бу эса Ҳема Малинининг кинога кириб бориш имкониятларини сезиларли даражада оширган.

Ҳема Малинининг кинодаги дебюти – “Панду бу дунёни тарк этади” (1965) фильми бўлиб, унда у раққоса ролини ўйнаган. Актрисанинг иккинчи фильми – “Орзулар сотувчиси”ида (1968) унинг партнёри машҳур Раж Капур бўлган.

Ўзбек томошабинларига Ҳема Малини “Зита ва Гита” фильми орқали таниш. 1976 йилда фильм прокат бўйича етакчилардан бири бўлиб, тўртинчи ўринни эгаллаган ва уни 55,2 миллион томошабин томоша қилган. Суратга олиш жараёнида актриса Зитанинг севгилиси Рака ролини ижро этган Дҳармендра билан танишган.

Ҳема ва Дҳармендра яна икки фильмда бирга ўйнаган, шундан кейин улар орасида севги муносабатлари бошланади, гарчи Дҳармендра уйланган ва тўрт фарзанди бўлган бўлса ҳам улар 1979 йилда турмуш қуради. Ҳема Малини ва Дҳармендранинг икки қизи — Эша ва Аҳана ота-онаси бўлишади. Эша улар каби актриса бўлган.

Ҳема Малинининг фильмографиясида 160 га яқин фильм мавжуд бўлиб, улардан 35 тасида у эри Дҳармендра билан бирга рол ўйнаган.

Ҳема Малини иштирокидаги машҳур фильмлар:

“Зита ва Гита” (1972)

Мазкур картина ўзбек томошабинларнинг Ҳема Малини иштирокидаги энг машҳур ва севимли фильмидир.

Чақалоқлигидан ажратилган эгизаклар ҳақидаги ҳикоялар кинода кам учрайдиган мавзу эмас ва “Зита ва Гита” фильми ҳам ажралган ўғил эгизаклар бўлган “Рам ва Шиам” фильмининг ремейкидир.

“Қасос ва қонун” (1975)

Ҳинд киносининг энг яхши ва машҳур фильмларидан бири бўлиб, унда Ҳема Малинидан ташқари Дҳармендра, Амитабҳ Баччан, Санжив Кумар каби ҳинд кино юлдузлари ҳам суратга тушган.

Фильмда Ҳема Малини бош қаҳрамонлардан бири Вирунинг севгилиси бўлган қишлоқи қиз Басанти ролини ижро этган

“Севимли Ража” (1972)

Ҳема Малини бош ролни ўйнаган мелодрамада у Шано исмли қизни гавдалантирган. Шано 12 йил аввал ғойиб бўлган рожанинг қизи Ратна ролини ўйнайди. Маккор биринчи вазир рожанинг бойлигига эга чиқиш учун меросхўр Ратнага ўхшаш қизни топиб, унга уйланишни режалаштиради.

Фильмда Дҳармендра ҳам суратга тушган бўлиб, у Шанони топиб, унга ошиқ бўлган Ража ролини ижро этган. 1981 йил прокатида фильм 40,1 миллион томошабин билан учинчи ўринни эгаллаган.

“Чангалзор қироли” (1976)

“Чангалзор қироли” деб ном олган, цирклар ва ҳайвонот боғлари учун ёввойи ҳайвонларни овлайдиган ҳайвон овчиси Вижай (Дҳармендра) ҳақидаги драматик фильм. Унда Ҳема Малини Вижай Нимми Даснинг рафиқаси ролини ўйнайди.

1979 йилги прокат натижаларига кўра, “Чангалзор қироли” 37 900 000 томошабин билан 9-ўринни эгаллайди.

“Али бобо ва қирқ қароқчи саргузаштлари” (1979)

Режиссёрлар Латиф Файзиев ва Умеш Меҳрнинг “Минг бир кеча” эртаги асосида яратилган совет-ҳинд эртак-фильми. Ҳема Малини фильмда Дҳармендра ўйнаган камбағал Али бобонинг рафиқаси бўлган малика Маржона ролини ўйнайди.

1980 йилда мазкур фильм прокатда 52 800 000 томошабин билан 5-ўринни эгаллайди.

“Самрат” (1982)

“Самрат” номли кемадаги олтин контрабандаси ҳақидаги саргузашт фильм, унда Ҳема Малини бош роллардан бири — Женни Гомес исмли контрабандачилардан бирининг қизи ролини ўйнайди.

1985 йил прокатида фильм 23 000 000 томошабин билан 12-ўринни эгаллайди.

“Қадимий ибодатхона хазиналари” (1983)

Ҳам мелодрама, ҳам жангари бўлган мазкур фильмда маккор ука мерос учун акасининг оиласини йўқ қилади. Аммо акасининг фарзандлари — ўғли Викрам (Митхун Чакраборти) ва қизи Чандни ўлдиришмайди. Викрамни ёвуз ука ўз ўғлидек тарбиялайди, Чандни эса фоҳишахонага топширади. Чандин ролини Ҳема Малини ижро этган.

1985 йил прокатида фильм 24 500 000 томошабин билан 10-ўринни эгаллайди.