ХХ асрнинг энг машҳур кино юлдузларидан бири Одри Ҳепбёрнга тегишли бўлган 19-асрга хос фермерлик уйи сотувга қўйилди.
Улкан хонадон 20,8 миллион долларга баҳоланмоқда. Актриса бу уйда 1963 йилдан 1993 йилга қадар ўттиз йил яшаган.
Хонадон Швейцариянинг Толошна комуннасида, Женева аэропортидан тахминан 30 дақиқалик масофада жойлашган. 2001 йилда Одри Ҳепбёрннинг ўғиллари уйни Катарина ва Жан-Марк Божоленга сотишган эди. Кўп фарзандли оила бу уйда 24 йил яшаган.
Уй оилага хотиржамлик ҳисси бергани ва жуда кенг бўлгани туфайли айнан шу ерни танлашган. Кўчмас мулк 40 акр (162 минг квадрат метр) майдонда жойлашган. Уч қаватли вилла Ла Паисибле (таржимада тинч ва осойишта маскан) деб номланади.
Эндиликда Боложенлар оиласи La Paisible’ни 20,8 миллион долларга сотувга қўйишди. Унинг нархига 12 та ётоқхона, 8 та ҳаммомдан иборат вилла ва унга тегишли боғ киритилган.
Биринчи қаватда меҳмонхона, кутубхона ва ошхона мавжуд, иккинчи қаватда деразалари шарққа қараган ётоқхоналар жойлашган. Шунингдек, меҳмонлар учун қўшимча ётоқхоналар ҳам мавжуд. Бинода 18-асрга хос каминлар сақланиб қолган. Ҳовлида 15 метрли ҳовуз жойлашган ва иситиш тизими билан жиҳозланган. Боғда турли мевали дарахтлар, майсазорлар ва кенг очиқ майдонлар мавжуд.
-FsS-ar8K.webp)
Уйнинг ташқи деворида Одри Ҳепбёрн исми ёзиб қўйилган, лекин сайёҳлар бу ерга камдан-кам ташриф буюради ва уй эгаларини безовта қилмайди.
Изоҳ (0)