Орамизда ким севимли турк юлдузлари билан суратга тушишни ёки улардан дастхат олишни истамайди? Агар Истанбулга саёҳат қилишни режалаштирмоқчи бўлсангиз ва севимли актёрингизни Туркияда учратиб қолишни қилишни орзу қилсангиз, қуйидаги мақола сиз учун.
Турк юлдузларининг Голливуд юлдузларидан асосий фарқи шундаки, улар мухлислар билан мулоқот қилишга доимо тайёрдир. Дизи машҳурлиги ортиб борса ҳам актёрлар ўз томошабинларига доим ҳурмат билан муносабатда бўлади. Улар мухлислари билан ҳатто бир неча дақиқа суҳбат қуриши ҳам мумкин. Қизиқарлиси, турк юлдузлари кўпинча бир хил жойларга ташриф буюради, бу эса севимли актёр билан учрашиш эҳтимолини сезиларли даражада оширади. Рўйхатимизда бир нечта савдо марказлари, ресторанлар ва Истанбулнинг машҳур кўчалари ўрин олган.
Zorlu Center савдо маркази
Манзил: Истанбул, Бешиктош тумани, Левазим маҳалласи, Кору кўчаси, 2-уй
Ушбу савдо маркази кўплаб турк юлдузларининг севимли жойидир. Бу ерда доимий равишда папарацсиларни кўриш мумкин, чунки Таро Эмир Текин, Керем Бурсин ва бошқа машҳурларнинг дўконга кетаётгани тасвирлари айнан шу марказда суратга олинади. Zorlu асосан қимматбаҳо брендга дўконларидан иборат. У Истанбулнинг Европа қисмида жойлашган.
Emaar Square Малл савдо маркази
Манзил: Истанбул, Ускюдар тумани, Уналан маҳалласи, Либадие кўчаси, 82 Э-уй
Юлдузлар тез-тез харидлар қиладиган яна бир катта савдо маркази Истанбулнинг Осиё қисмида жойлашган. Унинг яқинида Қиз минораси бор, у ерда ҳам тез-тез турк сериаллари суратга олинади.
Emaar Square Маллъда ўртача бюджет учун мос дўконлар ҳам мавжуд, ушбу савдо марказида Бурак Ўзчивит ва унинг рафиқаси Фаҳрие Эвжен билан учрашиб қолиш мумкин, чунки жудфтлик доимий шу ерга ташриф буюради.
Турк сериаллари суратга олинадиган машҳур жойлар
Деярли барча турк сериаллари бир хил жойларда суратга олинади. Буни ҳақиқий дизи ихлосмандлари аллақачон сезган бўлиши шубҳасиз.
Улардан Сариер тумани энг машҳур жойлардан бири саналади. У Истанбулнинг Европа қисмида жойлашган ва жуда чиройли манзарага эга. Бу ерда “Қалбим эшигини қоқ” ва “Тақиқланган севги” каби лойиҳаларнинг баъзи саҳналари суратга олинган.
Босфор бўғози манзараси олдида тушлик қилиш ва ўзингизни дизи қаҳрамони каби ҳис қилишни истасангиз, Рубй ресторанига ташриф буюришингиз мумкин. Бу ерда машҳур лойиҳалардаги қаҳрамонларининг кечки овқатлари ва учрашувлари суратга олинган.
Бебек тумани
Истанбулнинг мазкур ҳудуди кўплаб сайёҳларни ўзига жалб қилади. Туркияга келган Голливуд юлдузлари ҳам шу ерда қолишни афзал кўришади. Бунинг сабаби ҳашаматли ресторанлар, тунги клублар ва концерт залларининг кўплигидадир.
Фото: Тҳе Гирл
“Қўрғон сирлари” ва “Қизил шарбат” сериалларида акс этган гўзал пляж саҳналари айнан шу ерда суратга олинган. Бу ер “туркча Монако” деб аталади. Бундан ташқари, Бебек туманида диққатга сазовор жойлар: гўзал масжид, музейлар кўп. Мисрнинг Туркиядаги элчихонаси жойлашган собиқ Валиде пошо саройи ҳам шу ерда.
Арнавуткой тумани
Мазкур ҳудуд Бебек туманига яқин бўлиб, бу ерда Усмонли империясининг гўзал ёғоч меъморчилигидан баҳраманд бўлиш, кемаларда сайр қилиш мумкин. Арнавуткой туманида тез-тез суратга олиш гуруҳлари пайдо бўлади, чунки бу маскан ўзининг ажойиб табиати туфайли турк сериаллари учун айни муддаодир.
Маса ресторани
Манзил: Истанбул, Сариер тумани, Қатар кўчаси, 2-уй
Ушбу ресторан мазали таомлар ва ноодатий интерерлари билан турк юлдузларининг диққатини жалб қилган. Маса ресторанида Ҳанде Эрчел ва бошқа машҳур актрисалар у овқатланади.
Баcкярд ресторани
Фото: Тҳе Гирл
Манзил: Истанбул, Бебек тумани, Бебекой кўчаси, 4-уй
Бу рестораннинг Бебек шаҳрида жойлашгани аллақачон у ерда турк актёри ёки актрисасини учратиш мумкинлигини тасдиқлайди. Бу ерга дизи оламининг энг машҳур намоёндалари ташриф буюради. Унинг яқинида кўплаб диққатга сазовор жойлар мавжуд.
Изоҳ (0)