Шуни айтиш керакки, ушбу мақолада келтирилган рақамлар билан таққослаганда, бу йил дунё юлдузлари учун унчалик яхши бўлмади. Аслида эса актёрларнинг катта даромадлари анча йиллар олдин бўлган.
Ҳақиқатан ҳам, дунёдаги энг кўп пул топган актёрлардан бири, битта фильм учун энг катта маош олган шахс — Киану Ривз. “Матрица” ҳақидаги биринчи фильм жуда машҳур бўлиб кетганидан сўнг, унинг давоми учун фильм ижодкорлари Ривзга жуда катта пул таклиф қилишган. Ҳақиқатан ҳам, унинг гонорари 30 миллион долларни ташкил этган, аммо фойдадан олинган улушлар ҳисобга олинса, трилогиянинг қолган икки фильми — “Матрица: қайта юклаш” ва “Матрица: инқилоб” Киану Ривзга жами 156 миллион доллар олиб келди. Бу эса актёрларнинг битта роли орқали энг катта даромад олиш бўйича мутлақо рекорддир.
-HXw2JxW0.png)
Иккинчи ўринда битта рол учун 100 миллион доллар ишлаб топган учта жаҳон юлдузи бор. Ушбу актёрлар биргина муваффақиятли фильм орқали 100 миллион долларни қўлга киритган. Биринчи Брюс Уиллис — у 1999 йилда чиққан “Олтинчи сезги” фильми учун шунча гонорар олган. Ушбу фильмда Брюс Ҳейли Осмент билан бирга ўйнаган, Осмент кейинчалик 11 ёшида “Иккинчи даражали энг яхши эркак роли” номинациясида “Оскар”га номзод бўлган.
-BBmwHdYN.png)
Кейинги энг кўп маош олган актёр — Том Круз. Актёр “Топ Ган: Маверик”, “Уддалаб бўлмас топшириқ-2” ва “Жаҳон уруши” фильмларида ўйнаб, ҳар бири учун 100 миллион долларни қўлга киритган.
Яна бир юлдуз — Уилл Смит битта роли учун 100 миллион доллар гонорар олган. У кўплаб муваффақиятли фильмларда роллар ижро этган. Улардан бири “Қора либос кийган одамлар-3” фильми бўлиб, бу фильмда Смитга 100 миллион доллар тўланган.
-d_q2rEZd.png)
Тўртинчи ўринда битта ролидан 70 миллион доллар даромад олган учта актёр бор. Рўйхатимиздаги биринчи ва ягона аёл бу — Сандра Буллок. У “Гравитация” фильмидаги доктор Райан Стоун роли учун 70 миллион доллар олган.
Яна бир актёр —Том Крузга 70 миллион доллар гонорар берилган, шунчаки учта фильм учун умумий 100 миллион доллар олган. Шунинг учун бу унинг алоҳида ютуғи эмас. Шундай қилиб, Том Крузга 70 миллион доллар биринчи “Уддалаб бўлмас топшириқ” фильми учун берилган.
Том Ҳенкс 1994 йилда чиққан “Форрест Гамп” фильми учун 70 миллион доллар олган.
Изоҳ (0)