Фақат катта экранларда: ҳеч қачон телевидениеда ишламаган Голливуд актёрлари

Кўпгина актёрлар ҳар қандай ишга рози бўлади, аммо баъзи юлдузлар учун телевидениеда ишлаш истисно ҳисобланади.

Уилям Дефо

Уилям Дефо тўрт марта “Оскар” мукофотига номзод бўлган ажойиб киноактёр. Лекин телевидениеда уни ҳеч қачон кўрмайсиз. Актёр телевизорда чиқишни хоҳламайди, шу билан бирга бир вақтнинг ўзида турли режиссёрлар билан ишлашдан қатъиян бош тортади.

Николас Кейж

Кейж ҳеч қачон сериалларда рол ўйнамаган. У ўзини кино саноатига тўлиқ бағишлаган кам сонли актёрлардан биридир. Тўғри, у бир нечта телефильмларда рол ўйнаган, лекин ўзи қолса, уларни телевивидение билан тенглаштиришни истамасди.

Хавер Бардем

Хавер Бардем фаолиятининг бошида телевидениеда ишлаган, аммо муҳим ролларни ўйнамаган. Охир-оқибат у кинематографияда ўз ўрнини топади ва шу ер аниқ уники эканини тушунади.

Роберт Паттинсон

Паттинсон ҳеч қачон телевидениеда кўринмаган. Вампирлар ҳақидаги машҳур франшиза ва Бетмен ролидан ташқари, актёр мустақил кинематографияни афзал кўради, унда иштирок этиш унга асосий оқимдан узоқда бўлишга имкон беради.

Том Круз

Том Круз ҳам ҳеч қачон телевидениеда ишламаган. Биринчи навбатда “Уддалб бўлмас топшириқ” фильмидаги бош рол ижрочиси сифатида танилган. Тўғри, Круз сериал устида режиссёр сифатида ишлаган.

Марлон Брандо

Марлон Брандонинг карьераси узоқ давом этган, агар у хоҳлаганида телеюлдуз ҳам бўлиши мумкин эди. Брандо эса кинода қолишни маъқул кўрди. Техник жиҳатдан у телевидение учун “Чўқинтирган ота” мини-сериалида ўйнаган, аммо бу қайта ишланган фильмнинг икки қисми эди.

Мерилин Монро

“Жазда фақат қизлар” ва “Еттинчи йил жаранги” фильмларидаги роллари билан танилган Монро “Жек Бенни дастури” фильмларини ҳисобга олмаганда, фақат кинода ўйнаган. Эҳтимол, унинг ҳаёти фожиали тус олмаганида, у бир кун келиб сериалларда ҳам машҳур бўлар эди.

Кемерон Диас

Бу актриса кинематографияни ҳам маъқул кўради. Сўнгги йилларда у гоҳ танаффусга чиқаётганини, гоҳ қайтиб келаётганини ҳисобга олсак, энди телевидениеда ишламаса ҳам керак

Эмма Уотсон

Эмма Уотсон фаолиятининг бошида у бир неча бор телевизор экранида пайдо бўлади, аммо дунёдаги энг йирик кино франшизаларидан бирида суратга тушганидан сўнг, телевидение учун вақти қолмайди.

Фақат катта экранларда: ҳеч қачон телевидениеда ишламаган Голливуд актёрлари

Изоҳ (0)

Мавзуга доир

Daryo.uz | Сизнинг муаммоингиз ечими