Водеоўйинлар асосида фильмлар суратга олиш — таваккал қилиш билан тенг. Ҳатто катта мухлислар базаси мавжуд бўлса ҳам, кассада етарли даромад келтиришини кафолатламайди. Бундан ташқари, танқид қилиниш хавфи ҳам бир неча баробар ортади. Баъзи киноижодкорлар сифатли мослашувни суратга олиш учун маҳоратга эга эмас, баъзилари эса ҳеч ким кутмаган жойда муваффақиятга эришади.
“Анчартед: Харитада кўрсатилмаган”, 2022 йил
Uncharted ўйинига асосланган
Фильм прокатга чиққунга қадар ўйин мухлислари бош ролларга қандай актёрлар танланганидан бир оз хавотирда эдилар. Улар Том Холланд Натан Дрейкни, Марк Уолберг эса Виктор Салливанни ўйнашидан ҳафсаласи пир бўлди. Иккаласи ҳам ўйин қаҳрамонларидан анча ёш кўринади. Кассадан тушган даромадга қарамай, фильм муваффақият қозонолмади. Яхши актёрлик ижроси, шунингдек, бир нечта таъсирли саҳналар бўлишига қарамай, лекин сценарий хом ва ёмон ёзилган эди.
“Мортал Комбат”, 2021 йил
Мортал Комбат ўйинига асосланган
Бу ўйинни катта экранга мослаштиришнинг учинчи уриниши. У аввалгиларидан яхшироқ чиқди, лекин унда ҳам етишмаётган жиҳатлар мавжуд.
Фильм ёвуз кучлар билан юзма-юз келиб, уларга қарши курашаётган Коул Янг ҳақида ҳикоя қилади. Яхши саҳналаштирилган оддий жангари фильм. Мортал Комбат бу — сюжети чуқур ишлаб чиқилмаган, яккама-якка жангларга эътибор қаратилган ўйин. Фильм айнан шу йўналишни таклиф этади.
Гран Туризмо, 2023 йил
Gran Turismo ўйинига асосланган
Бу ҳақиқий пойгачи ролини ўйнаш учун пойга симуляторида бошқа иқтидорли ўйинчиларга қўшилган йигит ҳақидаги ҳикоядир. Сюжет қизиқарли, актёрлик ижроси ажойиб, режиссюра ҳам ўз жойида.
Фильм аниқ нусха эмас, айнан адаптация ҳисобланади. Яъни у воқеалар хронологиясини ўзгартиради ва сюжетни ўзининг воқеалар ҳақидаги тасаввурига мослаб айлантиради. Шунга қарамасдан, бирламчи манбанинг ўзига хос хусусиятлари кўзга ташланиб, уйғунлашади.
“Соник кинода”, 2020 йил
Sonic the head game ўйинига асосланган
Экранга чиқишдан олдин фильм ижодкорлари Соникнинг дизайни туфайли жиддий танқидларга дуч келишди. Шуни эътироф этиш керакки, улар ўйин мухлисларининг фикрларига қулоқ солиб, бош қаҳрамоннинг ташқи қиёфасини қайта кўриб чиқишди, уни янада ишонарлироқ қилишди.
Умуман олганда, мослашув ёмон бўлмади, у ҳатто Marvel рекордларини янгилаб, 2020 йилнинг энг юқори даромад келтирган суперқаҳрамон фильмига айланди.
“Pokeмон. Детектив Пикачу”, 2019 йил
Detective Pikachu ўйинига асосланган
Фильмнинг бошида томошабинга қаҳрамонлар билан биргаликда аниқланиши керак бўлган сирга эга бўлган ҳақиқатан ҳам қизиқарли сюжетга шўнғишга имкон берилади. Шунингдек, ўйинларда кам ўрганилган Pokeмон оламининг бошқа жиҳатларини кўриш мумкин.
Аммо фильмнинг иккинчи ярмидан бошлаб ҳам сюжет, ҳам график хатолар сезила бошлайди. Кўпчилик Pokeмонларнинг кино форматидаги мослашувини ёқтирмади, чунки кўплаб саҳналар ишонарли чиқмаган.
“Ёвузлик макони: Раккун-Сити”, 2021 йил
Recident Evil ва Recident Evil 2 ўйинларига асосланган
Бу биринчи ва иккинчи ўйинларнинг мослашуви ҳисобланади. Сюжетда одамларни қонхўр зомбиларга айлантирган эпидемия авж олиши тасвирланади. Эътиборни тортадиган ва ҳайратга соладиган биринчи нарса — нотўғри танланган актёрлар жамоаси. Шунингдек, сценарий ёмон ёзилган, шунинг учун сюжет муваффақиятсиз чиқди.
“Махлуқлар овчиси”, 2020
Monster Hunter ўйинига асосланган
Ўйинларнинг кино мослашуви кўпинча ўзини оқламайди, мана яна ушбу фикрга мисол. Фильм карантинда — деярли барча фильмларнинг омади юришмаган пайтда чиқди ва ҳатто 60 миллион долларлик камтарона бюджетни ҳам қоплолмай кассада муваффақиятсизликка учради.
Концепция аъло даражада эди, ўйинларда жуда содиқ мухлислар базаси бор эди, аммо ҳатто бу содиқлик ҳам фильмнинг барча хатоларини кечириш учун етарли эмас эди.
“Сағана ўғриси”: Лара Крофт, 2018 йил
Tomb Raider ўйинига асосланган
Эътироф этиш керак бўлган биринчи нарса — томошабин фильмни ишлаб чиқариш учун сарфланган катта бюджетни экранда аниқ кўриши мумкин. Фильмда графика ҳам, экшн-кадрларни саҳналаштириш ҳам, декорациялар ва либослар ҳам бюджетни оқлаган .
Фильм асосини ташкил этган Лара Крофт ва унинг отаси ўртасидаги муносабатлар ҳам таъсирли чиққан. Бош қаҳрамон тимсолида эса айнан унинг иродавий характерига урғу берилади.
Изоҳ (0)