“Брюсселда Венгриянинг қонуний ҳукуматини ағдариш учун фитна уюштирилмоқда”, деди бош вазир Виктор Орбан Х ижтимоий тармоғида.
“Венгрияга қарши Манфред Вебер ва Урсула фон дер Ляйен бошчилигида очиқдан очиқ фитна уюштирилмоқда. Мақсад — Венгрия ҳукуматини янгисига алмаштириш. Худди ҳозирги Польша ҳукумати каби”, деб ёзади у.
Сиёсатчи мамлакат раҳбарияти бунга йўл қўймаслигини таъкидлади.
Октябрь ойи бошида Орбан Еврокомиссия ва Европа халқ партияси раҳбарияти Венгрия ҳукуматини ағдариб, Брюсселнинг барча талабларини бажарадиган ўз ёлланма аскарларини тайинлашни исташини айтди. Унинг таъкидлашича, бу Венгрия суверен сиёсатининг тугашини англатади.
Орбаннинг сўзларига кўра, Будапешт Европа иттифоқининг шантажларидан қўрқмайди ва Европа иттифоқининг қўғирчоғига айланмаслик учун курашади.
Бош вазир, шунингдек, замонавий Европа иттифоқи Венгрияга босими билан СССРнинг ёмон пародиясига айланганини таъкидлади. Унинг сўзларига кўра, аъзо мамлакатларга вилоят сифатида қарайдиган, қандай яшаш кераклигини айтадиган “Брюсселга эҳтиёж йўқ”. Сиёсатчи таъкидлаганидек, Европа иттифоқи раҳбарияти Европа давлатларининг суверенитетини ҳурмат қилиши керак.
Орбаннинг таъкидлашича, Брюссел “Венгриянинг хўжайини эмас” ва мамлакат умумевропа қарорларини муҳокама қилишда ўз нуқтаи назарини ҳимоя қилишда давом этади. Унга кўра, Будапешт ЕИ талабларига қарамай, Украинага қурол-яроғ етказиб бермайди ва пул ажратмайди, мигрантларни мамлакатга киритмайди ва Венгрия мактабларида жинсий озчиликлар тарғиботини жорий қилмайди.
Изоҳ (0)