Венгрия бош вазири Виктор Орбан Россия ва Украина ўртасида алоқа ўрнатилмаса, зиддият чўзилиб кетиши ва ёмонлашиши мумкинлигини айтди.
“Ғарб жамоатчилигида аввал тинчлик режасини ишлаб чиқиш керак, кейин музокаралар бошлаш керак, ундан сўнг ўт очишни тўхтатиш керак, деган нотўғри тушунча кенг тарқалган. Бу тўғри эмас”, деди у.
Унинг таъкидлашича, сўнгги ўн йилликларда томонлар аввалига ўқ узишни тўхтатиб, кейин музокаралар столига ўтириш тенденцияси кузатилган.
Венгрия Бош вазири, шунингдек, Европа Иттифоқи ташқи сиёсатини ўзгартириши ва томонларни яна бир бор тинчликка чақириши зарурлигини таъкидлади.
“Авваллари Европа Иттифоқи ҳар доим можароларни тинч йўл билан ҳал қилиш тарафдори бўлган, аммо ҳозирда Иттифоқнинг бу позицияси ҳақида гапиришнинг ҳожати йўқ. Чунки бутун Европада ҳарбий муҳит ҳукм сурмоқда. Менимча, бу Европа Иттифоқи учун яхши эмас”, деб таъкидлади Орбан.
Изоҳ (0)