Европа Иттифоқи кенгаши Украинага ушбу мамлакатни қўллаб-қувватлаш фондидан тахминан 4,2 миллиард евро ажратиш бўйича аввал келишилган қарорни маъқуллади.
Бу ҳақда Европа Иттифоқи кенгашига раислик қилувчи Венгрия масъуллари маълум қилди.
“Ёзма процедурани якунлаб, бугун кенгаш Украинани қўллаб-қувватлаш жамғармаси доирасида тахминан 4,2 миллиард евро миқдоридаги биринчи тўловни амалга оширишга қарор қилди”, дейилади баёнотда.
30 июль куни АҚШ ҳукумати Украина учун 1,7 миллиард долларлик янги ёрдам пакетини маъқуллагани хабар берилганди.
Ҳарбий ёрдам Украина хавфсизлигига кўмаклашиш ташаббуси доирасидаги узоқ муддатли шартномалар учун 1,5 миллиард доллар ва Пентагон захираларидан олинган 200 миллион долларни ўз ичига олади.
АҚШнинг сўнгги ҳарбий пакети ҳаво мудофааси қурилмалари, ракеталар, артиллерия ва танкка қарши қуролларни ўз ичига олган. Пентагон кейинги ёрдам пакетларида Украинага Патриот мажмуаларини беришни ҳам қайта йўлга қўйишни режалаштирган.
Изоҳ (0)