Венгриянинг Лакителек шаҳрида Алишер Навоийга бағишлаб ўрнатилган бюстнинг очилиш маросими бўлиб ўтди, дея хабар берди Маданият вазирлиги матбуот хизмати.
Қайд этилишича, ушбу бюст Венгрия—Ўзбекистон дипломатик алоқалари тарихида Ўзбекистонга бағишлаб очилган биринчи маданий ёдгорлик ҳисобланади. Ушбу лойиҳа венгриялик ҳайкалтарош Дёрджи Лантос томонидан амалга оширилган.
Венгриянинг “Шарққа нигоҳ” сиёсати доирасида туркий давлатлар билан алоқалар, хусусан маданий ҳамкорлик ривожланмоқда. Алишер Навоийга бугун ўрнатилган бюст венгр ва ўзбек халқлари ўртасида минг йиллар давомида маданий кўприк бўлиб хизмат қилишига ишонамиз, деб таъкидлади Венгрия маданият вазирлиги давлат котиби.
Ҳозирда Токио, Сеул, Шанхай, Вашингтон, Москва, Минск, Остона, Боку, Ашхобод, Душанбе, Ўш каби шаҳарларда Навоийга бағишлаб монументал санъат ёдгорлиги ўрнатилган. Эндиликда улар қаторига Лакителек шаҳри ҳам қўшилди.
Изоҳ (0)