Венгрия Бош вазири Виктор Орбан "Коссутҳ" радиоси орқали қилган чиқишида, Украинадаги можарони тинч йўл билан ҳал этиш, ўт очишни тўхтатиш ва музокараларни бошлаш тарафдори эканини айтди.
Унинг таъкидлашича, Европа АҚШ каби "катта пул ишлашга" қодир эмас. Шундай бўлса ҳам, Европа Иттифоқи Украинага 100 миллиард евро ажратишни таклиф қилмоқда.
"Ҳар хил молиявий манипуляциялар ёрдамида америкаликлар жуда кўп пул ишлашлари мумкин, аммо Европа бошқа масала, бу ерда бунга мослашишмаган. Биз америкаликлар каби осонлик билан пул ишлаб топа олмаймиз”, — деди бош вазир.
Унинг таъкидлашича, "Европа иқтисодиёти муаммога дуч келмоқда" ва "урушнинг охири ҳозирча кўринмаяпти".
Виктор Орбаннинг сўзларига кўра, Украина ҳудудидаги жанглар энди украиналикларнинг ўзига эмас, балки Ғарб давлатларига керак. “Бу уруш энди Украина уруши эмас. Украиналикларнинг кучи тугади, фақат Ғарбнинг пуллари Украинани ушлаб турибди”, — дея хулоса қилди у.
Изоҳ (0)