Польша ташқи ишлар вазири ўринбосари Владислав Теофил Бартошевский Венгрия бош вазири Виктор Орбанга ўз мамлакатини Европа Иттифоқи ва НАТОдан чиқишни ва Россия президенти Владимир Путин билан иттифоқ тузишни таклиф қилди.
Нега Венгрия ўзига унчалик ёқмайдиган ва гўёки унга нисбатан ёмон муносабатда бўлган ташкилотларнинг аъзоси бўлиб қолишни хоҳлаётганини тушунмаяпман. Нега Орбан Владимир Путин ва шу турдаги авторитар давлат вакиллари билан иттифоқ тузмайди, дейди Бартошевский.
Дипломат, шунингдек, Орбан сиёсатини “Европа, Украина ва Польшага қарши” деб атаган.
Польшалик сиёсатчи Орбан ҳозирда Варшава томонидан Украинага берилган ҳарбий техника учун товон пули сифатида ЕИдан Польшага тўланиши керак бўлган 2 миллиард злотий (468 миллион евро) маблағини тўсиб қўйганини эслатган.
Биз Европа Иттифоқида ҳам, НАТОда ҳам халқаро жамиятнинг чеккасида жойлашган бош вазир Орбандан фарқли ўлароқ Россия билан иш қилмаймиз, дейди Бартошевский Орбаннинг Польшани танқид қилганига жавобан.
Аввалроқ Венгрия бош вазири ЕИ ва бутун Ғарбнинг нотўғри сиёсати, шунингдек, Польшанинг “иккиюзламачилиги”ни танқид қилган эди:
Польшаликлар бизни Россия билан муносабатларимиз учун танқид қиладилар, лекин улар Россия билан воситачилар орқали иш олиб борадилар.
Орбан, шунингдек, АҚШ собиқ президенти Дональд Трампнинг ҳаракатларини яна бир бор олқишлаган, Россияни қўллаб-қувватлашини ва Украина гўёки “Европа Иттифоқи ёки НАТОга аъзо бўлмаслигини” айтган.
Изоҳ (0)