Венгрия ҳукумати жамиятнинг ташқи чегараларини ҳимоя қилиш учун қилинган тахминан 2 миллиард евролик харажатларни ундириш учун Европа Комиссиясига (EК) қарши судга мурожаат қилиши мумкин.
Бу ҳақда Венгрия бош вазири девони раҳбари Гергели Гуяш маълум қилди.
“Европа Комиссияси бошқа мамлакатларнинг Шенген чегарасини ҳимоя қилиш учун сарфлаган харажатларини қисман ёки тўлиқ қоплаб берди. Биз Шенген чегараларини мустаҳкамлаш учун 2 млрд евро сарфладик. Аммо Европа Комиссияси томонидан ҳеч қандай ёрдам олмади. Эндиликда биз судга даъво аризаси беришга тайёрмиз”, дея унинг сўзларини келтиради Reuters.
Унинг сўзларига кўра, Германиянинг 9 сентябрдаги давлат чегараларида қўшимча назоратни жорий этиш тўғрисидаги қарори Европа Иттифоқи ҳудудида эркин ҳаракатланишга тўсқинлик қилмоқда.
“Аввал улар Европа Иттифоқи мамлакатларига ўз ташқи чегараларини самарали ҳимоя қилишга йўл қўймай зарар етказишди, энди улар ички чегараларга чекловлар киритиш орқали қийинчиликлар туғдиришмоқда”, дея хулоса қилди у.
Изоҳ (0)