Шахмат Олимпиадаси. Ўзбекистон йигитлари 10-турда мағлуб бўлди ва чемпионликни қўлдан чиқарди

Венгрия пойтахти Будапешт шаҳрида бўлиб ўтаётган бутунжаҳон шахмат Олимпиадасида 10-тур беллашувлари бугун, 21 сентябрь куни якунланди.

Турнинг марказий баҳсларидан бирида Ўзбекистон эркаклар жамоаси Хитой билан баҳс олиб борди. Нодирбек Абдусатторовнинг дуранги билан бошланган қарама-қаршилик якунда ўзбекистонликларнинг мағлубияти билан тугади. Шамсиддин Воҳидовнинг ғалабаси якунда ҳеч нарсани ҳал қилмади. 

Эркаклар: 

Ўзбекистон — Хитой 1,5 : 2,5 

• Нодирбек Абдусатторов — Динг Лирен 0,5 : 0,5;  
• Нодирбек Якуббоев — Йи Веи 0:1;
• Жавоҳир Синдоров — Янгйи Ю 0:1;
• Шамсиддин Воҳидов — Юе Ванг 1:0.

Ўзбекистонлик қизлар жамоаси Англия устидан ғалаба қозонди. Нодира Нодиржонова ҳамда Умида Омонова рақиблари устидан ғалаба қозонди. Нилуфар ва Афрўза дурангга имзо чекди.

Қизлар:

Ўзбекистон — Англия 3 : 1 

• Афрўза Ҳамдамова — Лан Яо 0,5 : 0,5;
• Нилуфар Якуббоэва — Йованка Оуска 0,5 : 0,5;
• Умида Омонова — Катарина Тома 1:0;
• Нодира Нодиржонова — Бодана Vivaнандан 1:0.

Мусобақа якунига 1 та тур қолганида Ҳиндистон терма жамоаси АҚШ жамоасини енгиб очколар сонини 19 тага етказиб олди ва муддатидан олдин чемпионликни қўлга киритди. Ўзбекистон жамоаси бронза медалини қўлга киритиш имконини сақлаб турибди.

Қизлар жамоаси ғалабадан сўнг 18-ўринга жойлашди. Улар ҳисобида 14 очко мавжуд. Турнир жадвалида Ҳиндистон жамоаси етакчилик қилмоқда. Қўшни Қозоғистон қизлари ҳам мусобақа ғолиби бўлиш учун яхши имкониятга эга.

Эртага, 22 сентябрь куни мусобақанинг сўнгги ҳал қилувчи тур учрашувлари бўлиб ўтади.