Европа комиссияси Венгриянинг Европа Иттифоқига раислигига бойкот қилмоқда, дея Euronews хабар берди.
Маълум бўлишича, Европа комиссарларининг ҳеч бири Будапешт томонидан ташкил этилган норасмий учрашувларда қатнашмайди; уларнинг ўрнини қуйи мансабдаги шахслар эгаллайди.
Украинада ўт очишни тўхтатишга интилаётганини эълон қилган Венгрия бош вазири Виктор Орбаннинг Киев, Москва, Пекин ва кейинчалик АҚШга ташриф буюрган сафари Брюсселни ғазаблантирган, дея таъкидлайди нашр.
Еврокомиссия ва Европа парламенти Орбанни ЕИ Кенгашидаги раислигини суиистеъмол қилган ва Европанинг халқаро мажбуриятлари ва шартномаларини бузган, деб ҳисоблаган. Аксар Европарламент депутатлари ҳатто Венгрияни овоз бериш ҳуқуқидан маҳрум қилувчи Европа Иттифоқи шартномасининг 7-моддасини амалга оширишга чақирган.
Венгрия Европа комиссияси фаолиятини қайта сайланишга интилаётган Урсула фон дер Ляйеннинг сиёсий кампанияси деб атаган.
Бу қабул қилиб бўлмайдиган сиёсий кампания, чунки Европа Комиссиясининг роли Европа институтлари ўртасида адолатли ва дўстона ҳамкорликка асосланиши керак. Улар аслида Европа институтларини сиёсий мақсадларда суиистеъмол қилишга уринмоқда, дейди венгриялик Европарламент депутати Кинга Гал.
Болтиқбўйи давлатлари, Польша, Швеция ва Финляндия ҳам Венгрия томонидан ташкил этилган йиғилишларга ўз миллий вазирларини юбормасликка қарор қилган. Австрия, Гарчи Орбаннинг ҳаракатларини қоралаган бўлса-да, бойкотга қарши чиққан.
Изоҳ (0)