Европа “ҳар томонлама” фалокатга яқинлашмоқда, чунки “уруш психози”дан воз кечишга тайёр эмас, деди Венгрия ташқи ишлар ва ташқи иқтисодий алоқалар вазири Петер Сийярто.
“Европа фалокатга тобора яқинлашмоқда — афсуски, ҳар жиҳатдан. Ҳали ҳам бундан каттароқ офатнинг олдини олиш ва минглаб одамларнинг ҳаётини сақлаб қолиш мумкин, аммо бунинг учун ҳарбий психоздан қутулиш керак. Лекин бу Европа иттифоқи ташқи ишлар вазирларининг Люксембургдаги бугунги йиғилишида рўй беришини кутиш қийин”, — деб ёзди Сиярто ижтимоий тармоқда.
Украинада уруш бошлангандан бери Венгрия доимий равишда Россиянинг энергия манбаларига нисбатан санкциялар киритилишига ва Украинага қурол-яроғ юборилишига қарши чиққанди. 2022 йил март ойида Венгрия парламенти Украинага мамлакат ҳудудидан қурол-яроғ етказиб беришни тақиқловчи қарор қабул қилган эди.
Венгрия Ташқи ишлар вазирлиги раҳбари Петер Сийяртонинг тушунтиришича, Будапешт венгерлар яшайдиган Закарпатия ҳудудини ҳимоя қилишга интилади, чунки бу ҳудуд орқали қурол етказиб бериш Россия Федерацияси учун ўша ҳудудни қонуний ҳарбий нишонга айлантириши мумкин.
Мамлакат раҳбарияти Венгрия тинчлик музокараларини тезроқ бошлаш тарафдори эканини бир неча бор таъкидлаган.
Изоҳ (0)