O‘zbekistonda 4 oyda eng ko‘p Cobalt avtomobili ishlab chiqarilgani ma’lum bo‘ldi.
Milliy statistika qo‘mitasining dastlabki ma’lumotlariga ko‘ra, O‘zbekistonda avtomobil ishlab chiqarish sanoatida 2025-yilning yanvar-aprel oylarida 122 384 dona har xil turdagi yengil avtomobillar (maxsus yengil avtomobillardan tashqari) ishlab chiqarilgan.
Ularning rusumlar bo‘yicha soni quyidagicha:
- Cobalt – 44 747 dona
- Damas – 29 955 dona
- Onix – 15 236 dona
- Tracker – 14 092 dona
- Kia – 8 680 dona
- BYD – 4 267 dona
- Chery – 2 773 dona
- Haval – 2 634 dona
- Maxsus yengil avtomobillar – 12 983 dona.
Birlamchi avtomobil bozoridagi vaziyat
Hozirgi sharoitda yengil avtomobillar bozorida sotuvlarning umumiy pasayishi kuzatilmoqda, bu asosan xorijiy avtomobil segmentidagi faollikning pasayishi bilan bog‘liq.
Fevral oyida yengil avtomobillar savdosi o‘tgan oyga nisbatan 14,5 foizga kamaydi va 67,2 mingta avtomobilni tashkil etdi.
Oy davomida mahalliy ishlab chiqarilgan yangi avtomobillar sotuvi deyarli o‘zgarmagan va 21,7 ming dona avtomobilni tashkil etgan bo‘lsa, yangi xorijiy avtomobillar segmentida sotuvlar 2 barobardan ortiqroqqa kamaydi.
Milliy statistika qo‘mitasi ma’lumotlariga ko‘ra, 2025-yilning yanvar-fevral oylarida O‘zbekistonga xorijdan qiymati 75,9 mln AQSH dollariga teng bo‘lgan 4,4 ming dona yengil avtomobil import qilingan.
O‘zbekistonga 2025-yilning yanvar-fevral oylarida eng ko‘p yengil avtomobil import qilgan davlatlar:
- Xitoy – 3 149 dona
- Koreya Respublikasi – 1 191 dona
- Yaponiya – 32 dona
- Germaniya – 11 dona
- AQSH – 8 dona
- Meksika – 8 dona.
Fevralda yengil avtomobillar savdosi o‘tgan oyga nisbatan 14,5 foizga kamaydi.
Izoh (0)