Iqtisodiy tadqiqotlar va islohotlar markazi 2025-yilning aprel oyi uchun avtomobil bozori tahlili natijalarini taqdim etdi.
Faollikning ikki oylik pasayishidan so‘ng O‘zbekiston avtomobil bozori ijobiy dinamikani ko‘rsatdi. Aprel oyida savdo hajmi o‘tgan oyga nisbatan 17 foizga oshib, deyarli 90 ming donani tashkil etdi.
Yengil avtomobil segmentidagi vaziyat
Aprel oyida yengil avtomobillar savdosi 20 foizga o‘sib, 77 mingtadan oshdi.
Aksariyat hududlarda faollikning o‘sishi kuzatildi
Hududlar kesimida Sirdaryo viloyatida – 34 foizga, Toshkent shahrida – 32 foizga va Qoraqalpog‘iston Respublikasida – 29 foizga savdo hajmi sezilarli darajada oshgani qayd etildi.
Birlamchi avtomobil bozoridagi vaziyat
Yengil avtomobillarning birlamchi bozorida sotuvlar o‘tgan oyga nisbatan 15 foizga oshib, 26 mingta avtomobilni tashkil etdi. Mamlakatda ishlab chiqarilgan yangi yengil avtomobillar sotuvi 20,5 mingtani tashkil etib, o‘tgan oyga nisbatan 4 foizga o‘sdi.
Yangi xorijiy yengil avtomobillar segmenti ijobiy dinamikani namoyish etishda davom etmoqda, sotuvlar ikki baravar o‘sdi va umumiy savdo hajmi oyiga 5,3 ming donani tashkil etdi.
Yengil avtomobillarning ikkilamchi bozori sezilarli faollik ko‘rsatdi
2025-yilning mart oyida sotuvlar hajmi 2 foizga qisqargan foydalanilgan yengil avtomobillar bozoridagi faollikning biroz sekinlashuvidan so‘ng, bozor aprel oyida kuchli tiklanishni ko‘rsatdi. Savdolar 22 foizga oshib, sotilgan avtomobillar soni 52 ming donaga yetdi.
Elektromobillar bozoridagi vaziyat
Aprel oyida elektromobillar sotuvi biroz pasayganiga qaramay - o‘tgan oyga nisbatan 10 foizga - yillik hisobda avtomobil bozorining ushbu segmenti barqaror o‘sishni ko‘rsatmoqda.
Shunday qilib, 2024-yilning apreliga nisbatan elektromobillar savdosi 37 foizga oshgan.
2024-yilning noyabr oyida o‘rtacha foydalanilgan mahalliy ommabop avtomobillar hamda xorijiy lyuks avtomobillar o‘rtacha narxlari pasaygan bo‘lsa, mahalliy lyuks va elektromobillar narxlarida sezilarli o‘zgarish kuzatilmadi. 2024-yil dekabr oyida ikkilamchi avtomobil bozorida faollik pasayishda davom etdi va bu o‘rtacha narxlarda o‘z aksini topgandi. 2025-yilning yanvarida O‘zbekiston ikkilamchi avtomobil bozorida yanvar oyida pasayish davom etdi. Mahalliy ommabop avtomobillar narxi 2024-yilning dekabr oyidagiga nisbatan arzonlashdi.
Izoh (0)