O‘zbekiston avtomobil ishlab chiqarish sanoatida 2024-yilning yanvar-noyabr oylarida yirik korxonalar tomonidan 382 ming 905 dona har xil turdagi yengil avtomobillar ishlab chiqarilgan. Bu haqda Statistika agentligi xabar berdi.
Reytingda eng yetakchi avtomobil – Cobalt (149 790 dona). Damas esa ikkinchi o‘rinda – 92 011 dona.
Umuman olganda rusumlar bo‘yicha taqsimlanishi quyidagicha (dona):
- Tracker – 40 718 dona;
- Onix – 36 408 dona;
- Maxsus yengil avtomobillar – 23 033 dona;
- KIA – 19 328 dona;
- Gentra – 12 837 dona;
- Chery – 6 301 dona;
- Haval – 2 473 dona;
- Lada – 6 dona.
Avtomobil bozori qanday holatda?
Noyabr oyida 2024-yilning III choragida O‘zbekiston avtomobil bozorida faollik darajasi oshgan bo‘lsa-da, 2023-yilgi darajada emasligi haqida xabar berilgandi. Xususan, iyul-sentyabr oylarida davlat ro‘yxatidan o‘tkazilgan avtomobillar soni 352,8 mingtani tashkil qilib, II-chorakdagiga nisbatan 76,8 mingtaga (27,8 foizga) ko‘paydi. Biroq, bu ko‘rsatkich 2023-yilning mos davridagiga nisbatan 19,9 foiz kam.
Dekabr oyi avvalida Lacetti, Nexia, Spark kabi ommabop avtomobillar narxlari pasaygani haqida xabar berilgan.
O‘zbekistonda 2024-yil oktyabrida avtomobil bozorida sotuvlar yana pasaygani aytilgan edi. Oktyabr oyida avtotransport vositalarining savdosi 102,3 ming donani tashkil etdi, bu o‘tgan oyga nisbatan 7 foizga kam. Yillik ko‘rsatkichda esa pasayish — 44 foizdan ko‘proq.
Izoh (0)