Milliy statistika qo‘mitasining dastlabki ma’lumotlariga ko‘ra, O‘zbekistonda avtomobil ishlab chiqarish sanoatida 2025-yilning yanvar—fevral oylarida 53 522 dona har xil turdagi yengil avtomobillar (maxsus yengil avtomobillardan tashqari) ishlab chiqarilgan.
Avtomobillarning rusumlar bo‘yicha taqsimoti quyidagicha:
- Cobalt — 19 461 dona;
- Damas — 12 983 dona;
- Onix — 6 718 dona;
- Tracker — 5 837 dona;
- Kia — 4 102 dona;
- BYD — 1 912 dona;
- Chery — 1 392 dona;
- Haval — 1 117 dona;
- Maxsus yengil avtomobillar — 3 812 dona.
2024-yilda yirik korxonalar tomonidan 424 808 dona har xil turdagi yengil avtomobillar ishlab chiqarilgan bo‘lib, yillik hisobda ham Cobalt ulushi eng yuqori bo‘lgan — 164 887 ta.
2025-yilning fevral oyida ikkilamchi avtomobil bozorida mahalliy ommabop avtomobillarning o‘rtacha narxi pasaydi. Xususan, Cobalt o‘rtacha foydalanilgani — 2,4 foizga (12 300 dollardan 12 000 dollarga), kam foydalanilgani — 1,2 foizga (12 750 dollardan 12 600 dollarga), ko‘p foydalanilgani — 0,5 foizga (11 600 dollardan 11 538 dollarga) pasaydi.
Izoh (0)