Ўзбекистонда 4 ойда энг кўп Cobalt автомобили ишлаб чиқарилгани маълум бўлди.
Миллий статистика қўмитасининг дастлабки маълумотларига кўра, Ўзбекистонда автомобиль ишлаб чиқариш саноатида 2025 йилнинг январь-апрель ойларида 122 384 дона ҳар хил турдаги енгил автомобиллар (махсус енгил автомобиллардан ташқари) ишлаб чиқарилган.
Уларнинг русумлар бўйича сони қуйидагича:
- Cobalt – 44 747 дона
- Damas – 29 955 дона
- Onix – 15 236 дона
- Tracker – 14 092 дона
- Kia – 8 680 дона
- BYD – 4 267 дона
- Chery – 2 773 дона
- Haval – 2 634 дона
- Махсус енгил автомобиллар – 12 983 дона.
Бирламчи автомобиль бозоридаги вазият
Ҳозирги шароитда енгил автомобиллар бозорида сотувларнинг умумий пасайиши кузатилмоқда, бу асосан хорижий автомобиль сегментидаги фаолликнинг пасайиши билан боғлиқ.
Февраль ойида енгил автомобиллар савдоси ўтган ойга нисбатан 14,5 фоизга камайди ва 67,2 мингта автомобилни ташкил этди.
Ой давомида маҳаллий ишлаб чиқарилган янги автомобиллар сотуви деярли ўзгармаган ва 21,7 минг дона автомобилни ташкил этган бўлса, янги хорижий автомобиллар сегментида сотувлар 2 баробардан ортиқроққа камайди.
Миллий статистика қўмитаси маълумотларига кўра, 2025 йилнинг январь-февраль ойларида Ўзбекистонга хориждан қиймати 75,9 млн АҚШ долларига тенг бўлган 4,4 минг дона енгил автомобиль импорт қилинган.
Ўзбекистонга 2025 йилнинг январь февраль ойларида энг кўп енгил автомобиль импорт қилган давлатлар:
- Хитой – 3 149 дона
- Корея Республикаси – 1 191 дона
- Япония – 32 дона
- Германия – 11 дона
- АҚШ – 8 дона
- Мексика – 8 дона.
Февралда енгил автомобиллар савдоси ўтган ойга нисбатан 14,5 фоизга камайди.
Изоҳ (0)