Toshkent shahrida talaba yoshlarning bo‘sh vaqtlarini mazmunli tashkil etish maqsadida Talabalar festivali bo‘lib o‘tadi. Bu haqda Olmazor tuman hokimligi matbuot xizmati xabar berdi.
Maʼlum qilinishicha, festival munosabati bilan Olmazor tumanining Forobiy ko‘chasi Universitet ko‘chasi kesishmasidan Talabalar ko‘chasi kesishmasigacha bo‘lgan yo‘l vaqtinchalik yopiladi.
Cheklov 19-may soat 20:00 dan 23-may soat 00:00 gacha amal qiladi.
Mazkur yo‘ldan harakatlanuvchi haydovchilarga aylanma yo‘llardan foydalanish tavsiya etilgan.
Avtomashinalar harakati cheklanayotgan ko‘chalar
Toshkent shahrining Olmazor tumanidagi ko‘cha yarim yilga yopilishi haqida xabar berilgandi. Shuningdek, Ziyolilar ko‘chasining Do‘rmon yo‘li ko‘chasi kesishmasidan Qalandar ko‘chasi kesishmasigacha bo‘lgan bir tomonlama yo‘nalish qismi 17-may soat 22:00 dan 19-may soat 08:00 gacha transport vositalari harakati uchun yopiladi.
Bundan tashqari, Kichik halqa avtomobil yo‘lining Chingiz Aytmatov ko‘chasi kesishmasidan Oqqo‘rg‘on ko‘chasi kesishmasigacha bo‘lgan qismi 17-may soat 22:00 dan 21-may soat 06:00 gacha barcha transport vositalari harakati uchun yopiladi.
Izoh (0)