Rossiya Federatsiyasining Irkutsk viloyatida 23 yil oldin o‘lgan qizning kundaligidagi yozuvlar asosida uni o‘ldirgan erkaklar qo‘lga olindi. Bu haqda Rossiya ichki ishlar vazirligi rasmiy vakili Irina Volk o‘zining Telegram kanalida xabar berdi.
Voqea yuzasidan Rossiya Jinoyat kodeksining 105-moddasi (qasddan odam o‘ldirish) bo‘yicha jinoyat ishi qo‘zg‘atilgan. Idora ma’lumotlariga ko‘ra, 2001-yil oktyabr oyida ikki jinoyatchi tanish qizni o‘ldirib, jasadni Baykal ko‘chasidagi tashlandiq bino poli ostiga yashirgan. Jinoyatchilarni darhol qo‘lga olishning imkoni bo‘lmagan.
“2024-yilda o‘tgan yillardagi jinoyatlarni ochish bo‘yicha olib borilgan ishlar davomida jinoyat qidiruv xodimlari qizning atrofidagi asosiy guvohni aniqladi. U jabrlanuvchining kundaligini saqlab qolgandi. Undagi yozuvlar gumonlanuvchilarni aniqlash imkonini berdi. Jami 20 dan ortiq shaxs so‘roq qilindi. Natijada tergovchilar va tezkor xodimlar jinoyat tafsilotlarini to‘liq tiklashga erishdi”, deydi Irina Volk.
Gumonlanuvchilar qo‘lga olingan. Ulardan birini sud allaqachon 16 yil muddatga ozodlikdan mahrum qilgan va qattiq rejimli koloniyaga yuborilgan.
Rossiyada 11 kishini o‘ldirgan qotil tishlari sug‘urib olingani uchun koloniyani sudga bergani xabar qilingandi.
Izoh (0)