Sotqinlik ortidan kelgan boylik: XIX asrda Buxoro yahudiylari qanday qilib “paxta qiroli”ga aylandi?

Markaziy Osiyo hududida yahudiy savdogarlari XIX asr oxiri va XX asr boshlarida muhim iqtisodiy kuch sifatida shakllana boshladi. Ayniqsa, Rossiya imperiyasi mintaqadagi mamlakatlar (Buxoro amirligi, Xiva va Qo‘qon xonligi)ni istilo qilgach, yahudiylarning nufuzi keskin oshdi. Bu davrga kelib yahudiylar o‘zlariga berilgan imtiyozlardan foydalangan holda o‘z savdo tarmoqlarini kengaytirib, ulkan kapital to‘pladi va xalqaro savdoda muhim o‘rin tuta boshladi.

Lekin savol tug‘iladi: nega podshoh hukumati Markaziy Osiyoni egallagach, bu yerdagi yahudiylarga katta imtiyozlar berdi? Qanday qilib amirlik va xonliklar davrida cheklovda hayot kechirgan yahudiylar qisqa fursat ichida boyib ketdi? Quyida shu haqida so‘z yuritamiz