Istanbul prokuraturasi Crocus City Hall’da sodir etilgan teraktga aloqador besh nafar xorijlikka 7,5 yildan 15 yilgacha qamoq jazosi berishni talab qildi. Bu haqda Anadolu axborot agentligiga tayanib, “RIA Novosti” xabar berdi.
Turkiyada qo‘lga olingan shaxslar Crocus’dagi terakt ijrochilariga ko‘rsatmalar berib, ularga 800 ming rubl va yangi hujjatlar va’da qilgan. Gap Hofizjon Usmonov, Muteullo Usoyev, Rahmatullo Soliqov, Muhammadrahim Fayzov va Hamza Muhammad haqida bormoqda. Ular terakt ishtirokchilari Shamsiddin Faridun va Saidakrami Rachabalizoda bilan aloqada bo‘lgani aytilmoqda. Turkiyada qo‘lga olinganlardan biri Istanbulning Avjilar tumanida Fariduni bilan kvartirada yashagan.
Ayblanuvchilardan birining terakt ijrochilari bilan yozishmalari e’lon qilingan. U topshiriqni bajarishni — Vegas savdo markaziga bomba joylashtirishni taklif etgan. Taxminlarga ko‘ra, teraktni amalga oshirgan shaxs yozishmalarda uni “ushlab olishlari va o‘ldirishlaridan” xavotir bildirgan.
Yo‘q, yo‘q. Bombani o‘rnatganingizdan keyin bizning odamimiz sizni olib ketadi va Belarus chegarasigacha olib boradi. U yerda sizga yangi pasportlar berishadi va kvartira bilan ta’minlashadi, deyiladi xabarda.
Istanbul Bosh prokuraturasi hibsga olingan xorijliklar uchun yetti yarim yildan 15 yilgacha qamoq jazosini talab qilmoqda.
22-mart kuni tunda Moskva viloyatining Krasnogorsk shahridagi Crocus City Hall majmuasida terakt sodir etildi. Rossiya Tergov qo‘mitasi maʼlumotlariga ko‘ra, hodisa oqibatida halok bo‘lganlar soni 145 nafarni tashkil etgan. 550 dan ortiq fuqaro yaralangan. Terakt bo‘yicha tergov doirasida hibsga olinganlar 20 nafarni tashkil qilmoqda. Teraktga aloqadorlikda ayblanib, bir necha Tojikiston fuqarosi qo‘lga olingandi. ISHIDning Xuroson bo‘limi hujum uchun javobgarlikni o‘z zimmasiga olgan. Biroq Rossiya maxsus xizmatlari Ukrainani hujumga aloqadorlikda ayblagan. Rasman Ukraina teraktga aloqadorligini rad etadi.
Izoh (0)