AQSH Adliya vazirligi O‘zbekiston va Rossiya fuqarosiga nisbatan ayblov e’lon qildi. Ular saylovchilarni ro‘yxatga olish uchun arizalarni soxtalashtirganlikda ayblanib hibsga olindi.
Adliya vazirligiga ko‘ra, gap Florida shtatining Pinellas okrugida saylov uchun ariza berish haqida ketmoqda. Ayblanuvchilar Sent Pitersbergda yashovchi 33 yoshli O‘zbekiston fuqarosi Sanjar Jamilov va 45 yoshli Rossiya fuqarosi Dmitriy Shushlebin hisoblandi.
Tergov ma’lumotlariga ko‘ra, ular 2023-yil fevral va mart oylarida saylovchilarni ro‘yxatga olish uchun 132 ta soxta ariza topshirishga kelishib olgan. Arizalar o‘z ismlaridan farq qiladigan, bir xil muhrga ega bo‘lgan va firibgarlikning turli belgilariga ega bo‘lgan (masalan, takroriy tug‘ilgan sanalar va manzillar, shuningdek, ketma-ket ijtimoiy sug‘urta raqamlari).
O‘zbekiston va Rossiya fuqarolariga qarshi ayblov tan olinsa, ular besh yillik qamoq jazosiga hukm qilinadi. Tergov AQSH pochta inspeksiyasi xizmati, Federal tergov byurosi va Florida shtati huquqni muhofaza qilish organlari tomonidan olib borilmoqda.
Izoh (0)