Moskvadan 15-aprel kuni Denpasarga (Indoneziya) parvozni amalga oshirayotgan SU296 reysi Toshkentga qo‘ndirildi. Bu haqda “Aeroflot” aviakompaniyasi xabar berdi.
Ma’lum qilinishicha, havo kemasi komandiri yo‘lovchining sog‘lig‘i to‘satdan yomonlashgani sababli samolyotni qo‘ndirishga qaror qilgan. Toshkent aeroportida yo‘lovchi tibbiy brigadaga topshirilgan.
Toshkentdan Denpasarga parvoz 16-aprel kuni mahalliy vaqt bilan soat 10:00 da amalga oshirilishi rejalashtirilgan. Parvozni kutish vaqtida yo‘lovchilarga Rossiya Federal aviatsiya qoidalariga muvofiq xizmat ko‘rsatilgan. Mehmonxonaga joylashtirish, ichimliklar va ovqat bilan ta’minlash tashkil etilgan.
Samolyot qo‘nishi katta yonilg‘i og‘irligi bilan amalga oshirilgani sababli u qo‘shimcha texnik ko‘rikdan o‘tkazilishi zarur. Kutish vaqtini qisqartirish uchun Moskvadan zaxira samolyot yuborildi.
14-aprel kuni Ural Airlines aviakompaniyasining Qarshi—Moskva reysi texnik sabablarga ko‘ra bekor qilingandi. Unga ko‘ra, bortida 154 nafar yo‘lovchi bo‘lgan Rossiyaning Ural Airlines aviakompaniyasining Qarshi—Moskva yo‘nalishi bo‘yicha U62128 reysi 14-aprel kuni mahalliy vaqt bilan soat 05:35 da havoga ko‘tarilishi kerak edi. Samolyotda aynan qanday texnik nosozlik kuzatilgani ochiqlanmagan.
Izoh (0)