Buxoro tumanidagi oilaviy nodavlat maktabgacha ta’lim tashkilotida 2023-yilda tug‘ilgan bola tok urishi oqibatida vafot etdi. Bu haqda viloyat Maktabgacha va maktab ta’limi boshqarmasi ma’lum qildi.
Ma’lum qilinishicha, 28-mart kuni Buxoro tumanida joylashgan YATT X.O‘.U. oilaviy nodavlat maktabgacha ta’lim tashkilotida 1,5 yoshli bolani tok urgan. Bola vafot etgan.
O‘rganishlarga ko‘ra, vafot etgan bola 2023-yilda tug‘ilgan tarbiyalanuvchi Sh.Sh. bo‘lgan.
Ta’kidlanishicha, viloyat ichki ishlar boshqarmasi tomonidan bolaning o‘lim sabablari yuzasidan tergov surishtiruv ishlari olib borilmoqda.
O‘tgan yilning avgust oyida Sirdaryo viloyatining Mirzaobod tumanidagi oilaviy maktabgacha ta’lim tashkilotida ikki yoshli bola vafot etgandi. Shuningdek, fevral oyida oilaviy nodavlat maktabgacha ta’lim tashkiloti tarbiyalanuvchisi nazoratsiz qolishi oqibatida chiqib ketib, vafot etgan.
Izoh (0)