Yangiyo‘lda qurilish kranining o‘q qismi bog‘cha tomiga qulashi, Toshkent viloyatidagi bog‘chada bolalarga qo‘pollik qilib kelgan tarbiyachi ishdan olinishi, Poyezddan suvaraklar topilgani ortidan “O‘zbekiston temir yo‘llari” sanitariya-gigiyena ustidan nazoratni kuchaytirishi — “Daryo” nashri bugun, 27-martda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Ramazon hayitida Toshkent metrosi 1 soat vaqtliroq ish boshlaydi
Bayram munosabati bilan belgilangan qo‘shimcha dam olish kunida metro poyezdlari intervali yakshanba kuni uchun tasdiqlangan grafik asosida harakatlanadi.
Yangiyo‘lda qurilish kranining o‘q qismi bog‘cha tomiga quladi
Jarohat olganlar yo‘q. Bog‘cha faoliyati bir muddatga to‘xtatildi.
Toshkent va Samarqand viloyatidagi zapravkalar sifatsiz yonilg‘ini Ai-92 va Ai-95 benzini sifatida sotgani aniqlandi
Ularga 22 million so‘mga yaqin mablag‘ni iste’molchilarga qayta hisob-kitob qilish to‘g‘risida ko‘rsatma berildi.
Toshkent viloyatidagi bog‘chada bolalarga qo‘pollik qilib kelgan tarbiyachi ishdan olindi
Ota-onalar tarbiyachi zo‘ravonlik qilayotganini farzandlarining gaplaridan aniqlagan.
O‘zbekistonda ommaviy tartibsizliklar sodir etish uchun o‘quvdan o‘tganlar 225 mln so‘mgacha jarimaga tortilishi mumkin
Jinoyat kodeksiga ushbu faoliyatni moliyalashtirganlik uchun ham javobgarlikni belgilovchi o‘zgartirish kiritildi.
Andijon viloyati hokimiga yangi o‘rinbosar tayinlandi
Ulug‘bek Jo‘rayev hokimning qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari vazifasini bajaruvchisi bo‘ldi.
Endi tadbirkorlar kamida besh yil ijarada foydalangan davlat mulkini to‘g‘ridan-to‘g‘ri o‘zi sotib olishi mumkin bo‘ladi
Prezident davlat mulkini xususiylashtirish bo‘yicha joriy yilgi ustuvor vazifalar muhokamasi yuzasidan kengaytirilgan yig‘ilish o‘tkazdi.
Har kim o‘zicha ramazon doim o‘ttiz kun bo‘ladi, deb hukm chiqarishi aslo to‘g‘ri emas — Musulmonlar idorasi
Qaysi oy necha kun bo‘lishi oyning ko‘rinishiga qarab aniqlanishi ta’kidlangan.
O‘zbekistonda 2035-yili elektr isteʼmoli 121 mlrd kilovatt soat bo‘lishi kutilmoqda
Prezidentga atom energetikasini rivojlantirishga qaratilgan vazifalar ijrosi yuzasidan axborot berildi.
Andijonda alimentdan qarzdor ota shifer ortiga yashiringan holda topildi (video)
Uning aliment qarzdorligi 26 mln so‘mga yetgan.
Poyezddan suvaraklar topilgani ortidan “O‘zbekiston temir yo‘llari” sanitariya-gigiyena ustidan nazoratni kuchaytirdi
Tashkilot bunday holatlarning oldini olish uchun barcha zarur choralarni ko‘rishni vaʼda qilmoqda.
O‘zbekistonda 2025-yil sentyabrdan xalqaro maktab faoliyatini yo‘lga qo‘yish rejalashtirilmoqda
Prezident iqtidorli yoshlarni qo‘llab-quvvatlash tizimini takomillashtirishga oid taqdimot bilan tanishdi.
Shavkat Mirziyoyev YIning tashqi ishlar va xavfsizlik siyosati bo‘yicha oliy vakili bilan O‘zbekistonning JSTga qo‘shilishini muhokama qildi
3-4-aprel kunlari Samarqandda “Markaziy Osiyo—Yevropa ittifoqi” birinchi sammiti tadbirlarini o‘tkazish masalalariga eʼtibor qaratildi.
O‘zini o‘zi band qilgan shaxslar shug‘ullanishi mumkin bo‘lgan faoliyat turlari qisqaradi (ro‘yxat)
2026-yil 1-yanvardan boshlab bunday shaxslar shug‘ullanishi mumkin bo‘lgan faoliyat turlari ro‘yxati amaldagi 104 ta banddan 72 tagacha qisqaradi.
Izoh (0)