Fransiyaning nufuzli France Football jurnali 21 yoshga to‘lmagan eng yaxshi yosh futbolchiga topshiriladigan 2025-yilgi “Kopa Trophy” sovrini uchun nomzodlar ro‘yxatini e’lon qildi.
Joriy yilda mukofot uchun 10 nafar yosh futbolchi kurash olib boradi. Ro‘yxatdan “Barselona”, “PSJ”, “Yuventus”, “Real Madrid”, “Chelsi”, “Lill”, “Arsenal” va “Portu” jamolarining 21 yoshgacha bo‘lgan futbolchilari joy olgan.
To‘liq ro‘yxat bilan tanishing:
- Pau Kubarsi (“Barselona”, Ispaniya)
- Ayub Buaddi (“Lill”, Fransiya)
- Dezir Due (“Pari Sen-Jermen”, Fransiya)
- Estevao (“Chelsi”, Braziliya)
- Din Xeysen (“Real Madrid”, Ispaniya)
- Maylz Lyuis-Skelli (“Arsenal”, Angliya)
- Rodrigo Mora (“Portu”, Portugaliya)
- Joau Nevesh (“Pari Sen-Jermen”, Portugaliya)
- Lamin Yamal (“Barselona”, Ispaniya)
- Kenan Yildiz (“Yuventus”, Turkiya)
Eslatib o‘tamiz, o‘tgan yili “Barselona” hujumchisi Lamin Yamal ushbu sovrinni qo‘lga kiritgandi. U bu yil ham nomzodlar safidan joy oldi va mukofot uchun asosiy da’vogarlardan biri bo‘lib turibdi.
“Kopa” sovrini uchun g‘olibni aniqlash jarayonida avvalgi yillarda “Oltin to‘p”ni qo‘lga kiritgan futbolchilar ovoz beradi. Har bir hakam France Football tahririyati tomonidan tuzilgan ro‘yxatdan uch nafar futbolchini tanlashi kerak bo‘ladi.
2025-yilgi “Oltin to‘p” va unga doir boshqa mukofotlar tantanali ravishda 22-sentabr kuni Parijda topshiriladi.
Izoh (0)