Birlashgan Arab Amirliklari (BAA) 10 yil davomida AQSHga 1,4 trillion dollarlik investitsiya kiritish majburiyatini zimmasiga oldi.
Bu haqda Oq uy vakili ma’lum qildi.
Uning so‘zlariga ko‘ra, BAA rasmiylari shu haftada mamlakat delegatsiyasi va AQSH prezidenti Donald Tramp o‘rtasidagi uchrashuvdan so‘ng shunday qarorga kelgan.
Oq uy matbuot kotibining qo‘shimcha qilishicha, yangi kelishuvlar BAAning sunʼiy intellekt, yarimo‘tkazgichlar, energetika bo‘yicha AQSH iqtisodiyotiga kiritadigan investitsiyalar miqdorini sezilarli darajada oshiradi.
Avvalroq Birlashgan Arab Amirliklari prezidentining diplomatik maslahatchisi Anvar Gargash Eron tashqi ishlar vaziri Abbos Araqchi bilan uchrashuvda AQSH prezidenti Donald Trampning Eronga maktubini topshirgani xabar berilgandi.
AQSH prezidenti Donald Tramp 7-mart kuni Eron bilan yadroviy kelishuv bo‘yicha muzokaralar olib borishni istashini aytgandi. Tramp Eron rahbariyatiga maktub yo‘llab, ular muzokaralarga rozi bo‘lishlariga umid bildirdi.
“Men muzokaralar olib borasiz, degan umiddaman, chunki bu Eron uchun ancha yaxshi bo‘ladi”, dedi Tramp Fox Business Network telekanaliga bergan intervyusida.
Izoh (0)