AQSH Davlat kotibi Marko Rubio CNN telekanalini prezidentning maxsus vakili Stiv Uitkoff go‘yo davlat kotibi vakolatlarining bir qismini o‘ziga olayotgani haqidagi reportajga javoban “ishonchsiz” manbalar asosida ishlaydigan “tabloid” deb atadi.
CNN o‘z manbalariga tayanib, Rubio “davlat kotibi vazifasini bajarib, butun dunyo bo‘ylab sayohat qilayotgan” prezident Donald Trampning “eng yaqin do‘stlaridan biri” Uitkoffdan ustun kelishi mumkinligini xabar qilgan.
Ta’kidlanishicha, Rubio “ma’lum ma’noda ikkinchi o‘ringa tushib qolgan”, Uitkoffning vakolatlari esa Yaqin Sharqdagi maxsus elchi rasmiy unvonidan tashqariga chiqqan. Nomi oshkor etilmagan senator telekanalga aytishicha, Rubio vaziyatdan “xafa bo‘lgan” bo‘lishi mumkin
"CNN Trampga qarshi mish-mishlarni tarqatuvchi tabloid bo‘lib, u maqolalarini yozishda ishonchsiz manbalardan foydalanadi, e’tiborni tortish va muammolar keltirib chiqarish uchun ishlaydi. Uitkoff - jamoamizdagi menga eng yaqin insonlardan biri”, deya yozgan Rubio X ijtimoiy tarmog‘idagi sahifasida.
Shuningdek, u CNN jamoasini “nochor odamlar” deb atagan.
Izoh (0)