Eron oliy rahbari Ali Xomanaiy yuqori martabali eronlik rasmiylar bilan uchrashuvda Vashingtonning muzokaralar taklifidan ko‘zlangan maqsad “o‘z talablarini majburan qabul qildirish” ekanligini ta’kidladi.
Eron rahbarining bildirishicha, Eron AQSHning qo‘rqitishlari ostida muzokara olib bormaydi
“Ba’zi hukumatlar bosim o‘tkazish orqali muzokaralarni muammolarni hal qilish vositasi sifatida emas, balki yangi talablarni ilgari surish yo‘li sifatida ishlatadi. Gap faqat Eronning yadro dasturi haqida emas... Eron ularning umidlarini, albatta, oqlamaydi”, degan Xomanaiy, Trampni bevosita tilga olmagan holda.
Kuni kecha AQSH prezidenti Donald Tramp Oq uyda chiqish qilib, Eronning yadro quroliga ega bo‘lishiga yo‘l qo‘yib bo‘lmasligini aytgan edi.
“Muhokama qilinadigan navbatdagi mavzu Eron bo‘ladi. Oldinda Eronni qiziqarli kunlar kutmoqda. Hozircha men sizga faqat shuni ayta olaman”, deb ta’kidlagan edi Amerika rahbari Oq uyda jurnalistlar bilan suhbatda.
Ma’lumot o‘rnida, 2015-yilda Eron va “Katta yettilik” (AQSH, Buyuk Britaniya, Fransiya, Germaniya, Rossiya, Xitoy) o‘rtasida “Birgalikdagi keng qamrovli harakatlar rejasi”ni imzolash uchun harakatlar boshlangan edi.
Biroq 2017-yildagi Amerikada bo‘lib o‘tgan prezidentlik saylovi natijasida hokimiyatga kelgan Donald Tramp bu kelishuvni tanqid qildi va uni bekor qilishga intildi. Keyinchalik, 2018-yilda AQSH rasmiy ravishda kelishuvdan chiqadi va Eron ustidan sanksiyalarni qayta joriy qilgan edi.
Izoh (0)