Multfilmlar borasida bugungi kunda tanlov juda katta. Albatta, juda ko‘p ertaklar orasida bolalarga hayotdagi muhim narsalarni va odamlar o‘rtasidagi munosabatlarning nozik tomonlarini tushunishga yordam beradigan ertaklar ham bor. Quyida oilaviy tomosha qilish tavsiya etiladigan eng yaxshi multfilmlar haqida ma’lumot beriladi.
“Etik kiygan mushuk-2: So‘nggi tilak”, 2022 (AQSH)
Etik kiygan mushuk deyarli butun umrini sarflab, 9 ta hayotidan faqat 1 tasini qoldiradi. Shunga qaramay, qahramonimiz so‘nggi orzusini topish va barcha yo‘qotilgan hayotini qaytarish uchun qiziqarli yangi sarguzashtga yo‘l oladi.
Etik kiygan mushuk, shuningdek, bolalarga ziyrak va aqlli bo‘lish muvaffaqiyatga erishishga yordam berishini o‘rgatadi.
“Balerina”, 2016 (Fransiya, Kanada)
“Balerina” multfilmining sujeti o‘z orzusi – balerina bo‘lish yo‘lida yurgan yetim qiz atrofiga qurilgan. U Parijdagi mashhur maktabga keladi, lekin uning orzusiga yetishish oson emas.
Kartinadan olinadigan xulosa — siz nafaqat o‘zingiz yoqtirgan narsani qilishingiz, maqsad sari borishingiz kerak, balki haqiqiy istaklaringiz qayerdaligini tushunishingiz ham muhimdir. Shuningdek, qilayotgan ishingiz boshqalarga past nazar bilan qarashga olib kelmasligi, boshingizni aylantirmasligi juda muhim.
“Dengiz qiyaligidagi Ponyo”, 2008 (Yaponiya)
Sehrgar va dengiz ma’budasining qizi bo‘lgan kichkina baliq Ponyo o‘z uyidan uzoqqa suzadi va odamlar dunyosiga kelib qoladi. U bolakay Sosuke bilan do‘stlashadi, oxir-oqibat odamga aylanishni xohlaydi.
Ushbu multfilm mehr-oqibat, sabr-toqat, dunyoga ochiqlik, do‘stlik va o‘zaro yordamni tushunishga o‘rgatadi.
“Transilvaniya”, 2012 (AQSH)
Graf Drakula boshchiligidagi maxluqlar odamlardan yashiringan holda sirli mehmonxonada yashaydi. Drakula o‘zining sevikli qizini yolg‘iz o‘zi tarbiyalab, uni odamlardan himoya qiladi. Ammo sayyoh yigit mehmonxonaga kiradi va sokin ketayotgan hayot buziladi.
Multfilm bolaga odamning tashqi ko‘rinishiga qarab hukm qilishning iloji yo‘qligini tushunishga yordam beradi, chunki asosiy narsa uning qalbida. Oila — hayotdagi eng muhim narsa, lekin bolalar va ota-onalar har doim ham bir-birlarini tushunishmaydi. Bolalar ota-onalari tomonidan haddan tashqari himoyalanganliklarini anglashi va ota-onalar esa farzandlariga ko‘proq erkinlik berishlari kerakligini tushunishlari kerak.
“Omad”, 2022 (AQSH, Ispaniya)
Sem Grinfild — koinotdagi eng omadsiz qahramon. Taqdirning kutilmagan burilishida u aqlbovar qilmaydigan Omad mamlakatiga borib qoladi va o‘z omadini qaytarib olish uchun ajoyib sehrli mavjudotlar bilan birlashadi. Sehr va sarguzashtlarga to‘la bu hayajonli hikoya hech kimni befarq qoldirmaydi.
Multfilm ba’zida kuchliroq bo‘lish va xohlagan narsangizga erishish uchun muvaffaqiyatsizliklar ham kerakligini o‘rgatadi.
“Sening isming”, 2016 (Yaponiya)
Tokiolik yigit va qiz haqidagi mazkur hikoya o‘smirlarga yoqadi. Yoshlar ular o‘rtasida g‘alati va tushunarsiz aloqa borligini payqaydi. Tushida ular tanalarini almashtirib, bir-birlarining hayotini yashab ko‘radi. Ammo bir kuni bu qobiliyat yo‘qoladi va ular nima bo‘lganini aniqlashga qaror qilishadi.
Multfilm tomoshabinlarga tasodifning hayotda qanday rol o‘ynashi, haqiqiy sevgini qanday ajratish va nega vaqt haqiqiy his-tuyg‘ular va yoshlikning kutilmagan holatlariga qarshi ojiz ekanligi haqida o‘ylash imkonini beradi.
“Paranorman yoki zombilarni qanday o‘rgatish kerak ”, 2009 (AQSH)
Butun shaharcha Normandan umidvor. Axir u super sovg‘aga ega — aholini bezovta qiladigan arvohlar bilan muloqot qilish qobiliyati. Faqat u qadimiy tavqi la’natni bekor qila oladi.
Biroz qo‘rqinchli multfilm muhim muammolarni qo‘rqmay yechishni o‘rgatadi: biz tushunmagan narsamizdan qo‘rqamiz va qo‘rquvimizni yo‘q qilishga harakat qilamiz. Ba’zida esa shunchaki yordam qo‘lini cho‘zish va hamdard bo‘lishning o‘zi ham juda muhim.
“Smolfut”, 2018 (AQSH)
Migo ismli qor odam o‘z tog‘ining tepasidan odamlarning noma’lum dunyosiga tushadi, u yerda uni ko‘plab kashfiyotlar kutmoqda.
Tabiatga g‘amxo‘rlik qilish, hayvonlarni xafa qilmaslik va har bir tirik mavjudotni qadrlash kerakligi haqidagi ajoyib multfilm. Shuningdek, do‘stlik, xiyonat, o‘zaro yordam va jasorat haqida ham hikoya qilinadi.
“Olg‘a”, 2020 (AQSH)
Aka-uka elflar ertaklar olamida yashaydi, lekin zamonaviy inson dunyosiga juda o‘xshaydi. Kutilmagan kashfiyot ularni haqiqiy sehr-jodu izlash uchun sayohatga chorlaydi.
Yaqin odamlarni qadrlash qanchalik muhimligi haqida hikoya, chunki ko‘pincha yaqinlarimizni qadrlamaymiz. Dunyo har birimizning yuragimizda saqlanadigan sehrga muhtoj.
“Dengiz maxluqi”, 2022 (AQSH, Kanada
Yoshgina qiz dengiz maxluqini ovlash uchun ketayotgan afsonaviy ovchi kemasiga chiqib oladi va noma’lum joylarga sayohat qiladi. Tarixiy yozuvlar va odam hamda maxluq o‘rtasidagi chegaralarning qo‘shilib ketishi — bunday global mavzu mazkur yangi multfilmda ko‘tarilgan.
“Qizil tuflicha va 7 gnom”, 2019 (Janubiy Koreya)
Bir kuni ertaklar qirolligida bir qiz uni go‘zal malikaga aylantira oladigan sehrli tufli topib oladi. Xuddi shu qirollikda bir vaqtlar shahzoda bo‘lgan 7 yashil gnom yashaydi. Bir kun kelib ularning yo‘llari kesishadi.
Do‘stlik, sevgi, go‘zallik va yordam — multfilm ushbu muhim mavzularni ko‘taradi. Ammo u bolalarga o‘zini, tashqi ko‘rinishini qabul qilish va qanday odam ekanligini anglash qanchalik muhimligini uqtiradi.
“Koko siri” 2017 (AQSh)
Ushbu multfilmda 12 yoshli meksikalik Migel o‘z kumiri Ernesto de la Krusni izlab topish uchun yo‘lga otlanadi. Multfilmning noodatiy syujeti an’anaviy ammo muhim qadriyatlar haqida hikoya qiladi. Uni tomosha qilish asnosida o‘zingizni va yaqinlaringizni, ular bilan o‘tkazgan har bir daqiqani qadrlash kerakligini anglab yetasiz. Shuningdek, animatsion filmda qanchalik mashaqqatli bo‘lmasin, orzuingiz tomon faqat olg‘a yuring, degan ma’noni ham uqish mumkin.
Izoh (0)