Joby Aviation kompaniyasi Virgin Atlantic bilan Britaniyada elektr havo taksisini ishga tushirish bo‘yicha kelishuvga erishdi. Bu startapning tijoriy tashish xizmatlarini rivojlantirishni rejalashtirilayotgan yettinchi davlati bo‘ladi. Ammo ish boshlanishning aniq muddatlari hozircha aytilmagan. Birinchi navbatda Joby AQSH va BAA bozorlariga eʼtibor qaratadi, so‘ng Britaniyada faoliyat yurita boshlaydi.
Dubayda birinchi sinov parvozlari joriy yilning oxiri yoki kelasi yilning boshiga rejalashtirilgan. AQSHda xizmat 2025-yilda ishga tushishi kerak edi, ammo qog‘ozbozlik ishlari buni kechiktirdi. O‘tgan yili kompaniya o‘z havo kemasidan foydalanish huquqini olishga oz qolganini maʼlum qilgan edi, ammo hozirgacha rasmiy tasdiq yo‘q.
Britaniyada havo xizmatini ishga tushirish uchun Joby mahalliy aviatsiya organlaridan sertifikatsiya olishi kerak. Tegishli ariza 2022-yilda berilgan. Hamkorlik doirasida Virgin Joby xizmatining mamlakatdagi eksklyuziv distribyutori bo‘ladi. Bu Joby va Virgin Atlantikning katta ulushiga ega bo‘lgan Delta o‘rtasidagi mavjud kelishuvni to‘ldiradi.
Havo taksisi konsepsiyasi shahar markazlaridan aeroportlarga vertikal uchish va qo‘nish imkoniyatiga ega elektr samolyotlarda yo‘lovchilarni tashishni nazarda tutadi. Birinchi yo‘nalishlar Londonning Xitrou va Manchester aeroportlarini bog‘laydi. Keyinchalik tarmoq kengayishi rejalashtirilgan. Virgin mijozlari havo tashish xizmatlarini kompaniyaning mobil ilovasi va veb-sayti orqali buyurtma qilishlari mumkin.
-4ow4nEBa.avif)
Kompaniya yangi xizmatni faol ravishda ilgari surish, inspektorlar bilan hamkorlik qilish va zarur infratuzilmani yaratishga yordam berishni rejalashtirmoqda. Joby havo kemasining o‘zi pilot, to‘rt yo‘lovchi va kichik yukni tashishga mo‘ljallangan. Innotvatsion “dirijabl”ning maksimal tezligi soatiga taxminan 320 km. Shunday qilib, Lids va Manchester o‘rtasidagi parvoz bor-yo‘g‘i 15 daqiqa davom etadi.
Xizmatning to‘liq miqyosda joriy etilishiga hali ancha vaqt bor bo‘lsa-da, Joby o‘z maqsadi tomon ishonchli qadamlar qo‘ymoqda. Kelajakda kompaniya havo taksisini nafaqat Britaniya va AQSHda, balki BAA, Janubiy Koreya, Yaponiya, Hindiston va Avstraliyada ham ishga tushirishni rejalashtirmoqda.
Izoh (0)