Oq uy matbuot kotibi Karolin Levitt AQSH ta’lim vazirligi bolalar ta’limiga zarar yetkazgan holda soliq to‘lovchilarning pullarini o‘zlashtirgan. Bu haqda u Fox News telekanali efirida ma’lum qildi.
“Ta’lim vazirligi birorta ham bolani o‘qitmagan. U faqat bolalarimiz ta’limiga zarar yetkazadigan ko‘proq tartibga solish uchun soliq to‘lovchilarning pullarini o‘zlashtirgan”, dedi u.
Levittning aytishicha, federal idora faoliyatiga 1979-yildan buyon uch trillion dollardan ortiq mablag‘ sarflangan.
Payshanba kuni Levitt Tramp mamlakat ta’lim vazirligini tugatishga qaratilgan farmonni imzolashini tasdiqladi. U farmon sharqiy vaqt bilan soat 16:00 da imzolanishi kutilmoqda.
Ta’kidlanishicha, Tramp ta’lim vazirligini butunlay yopish uchun kongressning roziligini olishi kerak bo‘ladi. Shu sababli, Oq uy vazirlik rahbari Linda Makmexonga “vazirlikni yopish va ta’lim sohasidagi vakolatlarni shtatlarga qaytarishga ko‘maklashish uchun barcha zarur choralarni ko‘rish” bo‘yicha topshiriq bermoqchi.
Mart oyida Makmexon Fox News telekanaliga bergan intervyusida AQSH ta’lim vazirligi xodimlarining yaqinlashib kelayotgan ommaviy qisqartirilishi vazirlikni butunlay yopish yo‘lidagi birinchi qadam ekanini aytgan edi. Ilgari AQSH ta’lim vazirligi o‘z xodimlarini 50 foizga qisqartirishini ma’lum qilgan. Qisqartirishlar natijasida 4,1 ming xodimdan 2,2 mingga yaqini qoladi.
Amerika ta’limi ko‘rsatkichlaridan norozi bo‘lgan Tramp avvalroq bu tuzilmani butunlay yopish bilan tahdid qilgan edi.
Izoh (0)