14-mart kuni Eron, Rossiya va Xitoyning yetakchi diplomatlari Pekinda muzokaralar o‘tkazish uchun yig‘ilishdi. Uchrashuv natijasida Eronning yadroviy muammosiga “diplomatik” yechim topilishiga umid qilinmoqda. Bu haqda Al Jazeera xabar berdi.
“Hozirgi vaziyatda barcha tomonlar Erondagi yadroviy vaziyatni keskinlashtirmaslik uchun xotirjamlik saqlashlari kerak deb hisoblaymiz”, dedi Xitoy Tashqi ishlar vazirligi rasmiy vakili Mao Ning uchrashuv oldidan jurnalistlarga.
Uchrashuvda Xitoy tashqi ishlar vaziri o‘rinbosari Ma Chjaosyu, Rossiya tashqi ishlar vaziri o‘rinbosari Sergey Rabkov va Eron tashqi ishlar vaziri o‘rinbosari Kozim G‘aribobodiy ishtirok etdi. Unda tomonlar Eronning yadroviy muammosi va umumiy xavotirga molik boshqa masalalar yuzasidan fikr almashdilar.
Ma’lumot o‘rnida, Eron 2018-yilda AQSH bilan xalqaro sanksiyalarni bekor qilish evaziga o‘zining yadroviy dasturini cheklashga qaratilgan kelishuv imzolagan. Mamlakat Amerikaning sobiq prezidenti Barak Obama davrida bu kelishuvga to‘liq amal qildi. Ammo Tramp hokimiyatga kelganidan so‘ng Eronga nisbatan bir qator sanksiyalar joriy qildi. Buning oqibatida Eron ham kelishuvni buza boshladi.
Tramp 10-mart kuni Eron oliy yetakchisi Oyatulloh Ali Xomanaiyga maktub yo‘llab, yangi muzokaralar o‘tkazishga chaqirdi. Unda Tramp Xomanaiyni AQSHning har qanday yadroviy dasturiga qarshi harbiy choralar ko‘rish huquqi borligi haqida ogohlantirdi. Eron prezidenti Mas’ud Pezeshkiyon bunga javoban “tahdid” ostida AQSH bilan muzokaralar olib bormasligini, shuningdek, AQSHning “buyruqlari”ga bo‘ysunmasligini aytdi.
Oyatulloh Xomanaiyning ta’kidlashicha, Tehronda yadro quroli yo‘q va davlat bo‘lishini ham xohlamaydi. Biroq Xalqaro atom energiyasi agentligining yaqinda e’lon qilingan hisobotida ko‘ra, Eronda yadroviy bomba talablariga yaqin boyitilgan uran zaxiralari bor.
Izoh (0)