Futbolchilarning transfer qiymati va statistikasini tahlil qiluvchi Transfermarket portali 2025/26-yilgi mavsum boshini jarohat sababli o‘tkazib yuboradigan futbolchilardan “ramziy terma jamoasi”ni tuzdi.
Unga ko‘ra, ro‘yxatga amaldagi “Oltin to‘p” sohibi Rodri, shuningdek, “Real”ning ikki nafar yarim himoyachisi va “Barselona” darvozaboni Mark-Andre ter Shtegen kabi futbolchilar kiritildi.
Jarohat olgan futbolchilar ramziy terma jamoasi (4-3-3):
Darvozabon: Mark-Andre ter Shtegen (“Barselona”)
Himoyachilar: Konor Bredli (“Liverpul”), Alesandro Buondjorno (“Napoli”), Livay Kolvill (“Chelsi”), Alfonso Devis (“Bavariya”)
Yarim himoyachilar: Rodri (“Manchester Siti”), Eduardo Kamavinga, Jud Bellingem (ikkalasi — “Real Madrid”)
Hujumchilar: Deyan Kulushevski (“Tottenhem”), Jamol Musiala (“Bavariya”), Gabriel Jezus (“Arsenal”).
Ma’lumot uchun, 15-avgust kuni Angliya Premyer Ligasi hamda Fransiya chempionati, 17-avgust Ispaniya La Ligasi, 23-avgust kuni esa Germaniya Bundesligasi hamda Italiya A Seriyasi start oladi.
Izoh (0)