“Olis shahar” serialining reytingi pasaysa ham, cho‘qqidagi o‘rnini boshqa loyihaga bo‘shatib bermagani taajjublanarli emas. Qudratli urug‘ va boshqa dunyoga mansub ayol haqidagi an’anaviy turk hikoyasi oddiy bo‘lib tuyulishi mumkin, biroq Madridan va Midyatning maftunkorligi, ajoyib tarzda tanlangan aktyorlar o‘z ishini a’lo darajada bajardi.
1.“Olis shahar” seriali uchun ijodiy jamoa toshdan qurilgan uylarni ta’mirlashga mablag‘ ajratgan
Ozan Akbaba va Sinem Unsal bosh rollarda o‘ynagan “Olis shahar” seriali ustidagi ishlar bir vaqtning o‘zida uch tumandagi bir nechta joyda olib borilmoqda. Asosiy voqealar tor tarixiy ko‘chalari va mashhur tosh uylari bilan tanilgan Mardin shahrida kechadi. Tabiiyki, vaqt o‘tishi bilan ba’zi binolarning old qismlari ko‘ngildagidek ko‘rinishini yo‘qotgan. Shu sababli ekrandagi tasvirlar chiroyli bo‘lishi uchun jamoa restavratsiya ishlariga alohida mablag‘ ajratishga qaror qildi.
Natijada barcha foyda ko‘rdi: shahar ma’muriyati reytingi yuqori loyihaning suratga olingan joyini ko‘rishni istagan sayyohlar oqimini qabul qilishga zo‘rg‘a ulguryapti, bundan tashqari, serial suratga olish bilan shug‘ullanuvchi kompaniya hisobidan shaharning qiyofasi ham yaxshilandi.
2. Serial har oyda Mardinaga taxminan 104 ming dollar daromad keltirmoqda
Tan olish kerak, bu yomon natija emas. Sababi reklama beruvchilar serialda ko‘rinish yoki reklama pauzalari vaqtida o‘z mahsulotlarini namoyish etish huquqi uchun jon-jahdlari bilan kurashishga tayyor.
Serial joylashuvlari yetarlicha xilma-xil bo‘lishi uchun jamoa 12 ta tarixiy qasrni suratga oldi, bu ham Mardin shahriga daromad keltiradi. Bunga yuqorida aytib o‘tgan sayyohlar ham qo‘shiladi. Bu raqam tobora ortib boradi.
3. Serialdagi barcha qurollar maxsus buyurtma asosida tayyorlangan
Serialda urug‘lar va mafiya mojarolari haqida juda ko‘p voqea bor. Filmda ishlatilgan har bir to‘pponcha suratga olish uchun maxsus tayyorlangan. Insayderlarga ko‘ra, bunday hashamat 10 ming dollarga tushgan.
4. Jihan Alboraning Range Rover’i “Olis shahar” uchun maxsus modifikatsiya qilingan
Serialda tez-tez “Turk Forsaji” ko‘rsatiladi, shuning uchun bosh qahramonning mashinasi boshqalarnikiga o‘xshamagan bo‘lishi tabiiy. Avtomobilga qanday o‘zgartirishlar kiritilgani noma’lum, lekin uning narxi — 88 ming dollar turadi.
5. Bitta qismni ishlab chiqarish kompaniyaga 49 ming dollarga tushadi
Suratga olish xarajatlari nihoyatda katta bo‘lib, serial Turkiyada barcha davrlar ichida eng qimmat loyihalardan biri deb hisoblanadi. Agar Jihanga yana bir-ikki to‘pponcha qo‘shilsa va Alega yangi taqinchoqlar olinsa, “Muhtasham yuz yil” serialini ham ortda qoldiradi.
6. Jihan Alboraning uzugi 3 ming 500 dollar turadi, u ham maxsus buyurtma asosida yasalgan
Bosh qahramon mavqeyini ta’kidlash uchun uning uzugi ustida Midyatning eng mohir ustalari mehnat qilishiga to‘g‘ri keldi. Aytgancha, prodyuserlik kompaniyasi mahalliy hunarmandlarni qo‘llab-quvvatlayotganini ta’kidlab o‘tish darkor — loyihada ko‘rinadigan narsalarning aksariyati ularning qo‘l mehnati mahsuli.
7. Serial namoyish etilgandan so‘ng, Mardin shahriga tashrif buyuruvchi sayyohlar soni 23 foizga ko‘paydi
Mardin so‘nggi bor “Beqaror” seriali suratga olinganidan keyin mashhurlik cho‘qqisiga chiqdi. O‘shanda muxlislar sevimli loyihaning diqqatga sazovor joylarini ko‘rish uchun shaharga tashrif buyurishgandi, endi esa bu tarix takrorlanmoqda. Shahar Sharqning haqiqiy durdonasi hisoblanadi, biroq unga hamma ham yetib bormaydi. Buning sababi hashamatli mehmonxonalarga ega quyoshli kurortlar, Istanbul va havo sharlari bilan mashhur Kappadokiya kabi manzillar sayohatchilar orasida ko‘proq talabga ega ekanligi.
8. Serialning bir mavsumi uchun dastlab taxminan 2 mln dollar sarflandi
Agar seriya narxiga qarab xarajatlar haqida fikr yuritadigan bo‘lsak, bunga ommaviy sahnalar va aktyorlar uchun ovqatlanish xarajatlari, ish haqlari va ishlab chiqarishning boshqa sarf-xarajatlarini qo‘shish mutlaqo mantiqiy. Shunga qaramay, loyiha hozirning o‘zidayoq o‘zini qoplay boshlagan bo‘lishi ehtimoldan xoli emas, chunki uni efirga uzatish uchun 8 ta mamlakat sotib olgan va bu mamlakatlar soni tobora ortib bormoqda. Serial xalqaro platformalardan 1,3 million dollar miqdorida avans to‘lovini olishga ulgurganini hisobga olsak, vaziyat juda yaxshi rivojlanmoqda.
10. Sezen Aksu “De Mardin” qo‘shig‘i uchun 47 ming dollar gonorar olgan
Bu faqatgina mualliflik gonoraridan iborat bo‘lib, Spotify’dan keladigan mablag‘lar ko‘payishda davom etmoqda. Umuman olganda, serialni suratga olishga ko‘maklashganlarning barchasi foyda ko‘rdi. Shuning uchun loyihadan olinadigan daromad jamoaning uni ishlab chiqarish xarajatlaridan bir necha barobar ko‘p bo‘ladi, deb ishonch bilan aytish mumkin.
Izoh (0)