Mashhur turk seriallari orqali barchaga tanish bo‘lgan aktrisalar orasida bir-biriga nihoyatda o‘xshash bo‘lgan go‘zal chehralar ham yo‘q emas. Muxlislar fikriga ko‘ra, ularga qarab aktrisalarning egizak emasligiga ishonish qiyin.
Yagmur Tanrisevsin va Hafsanur Sanjaktutan
“Agar qattiq sevsangiz” filmidagi Leyla Deniz obrazi bilan mashhur bo‘lgan Hafsanur Sanjaktutan yana bir iste’dodli aktrisa Yagmur Tanrisevsinga juda o‘xshab ketadi. Ularning ikkisi ham erkanlarda bir xil obrazda namoyon bo‘ladi: aktrisalarning sochi, rangi, yuz tuzilishi, burun qirrasi va hatto pardoz qilish uslubi ham o‘xshash. Faqatgina Hafsanurning yonog‘idagi kichik xoli aktrisani boshqa go‘zallardan ajratib turadi.
Ipek Tenoljay va Hulya Avshar
“Oila”, “Yolg‘on”, “Bo‘rilar vodiysi” kabi seriallarda ishtirok etgan aktrisa Ipek Tenoljay xonanda va aktrisa Hulya Avsharga tashqi jihatdan juda o‘xshash. Avshar karyerasi davomida 70 dan ortiq kino loyihalardan ishtirok etgan va bir necha marta bosh rollarni ijro etgan. Agarda “Ko‘sem” serialida Safiya sulton obrazini Hulya emas, Ipek gavdalantirganida edi, tomoshabin aktrisalar o‘rni almashib qolganini payqamay qolishi shubhasiz.
Melisa Asli Pamuk va Yasemin Aziji
O‘zbek tomoshabinlariga “Sevgi iztirobi” serialidagi Asu obrazi bilan yaxshi tanish aktrisa Melisa Asli Pamuk hamda “Sevgi taktikasi” yulduzi Yasemin Aziji ham qiyofadosh kino yulduzlardir. Jigarrang ko‘zli va sochli Melisa va Yasemin bir qarashda opa-singillarga o‘xshaydi.
Hande Erchel va Zehra Yilmaz
Bugungi kunda eng katta daromad olayotgan kino yulduzi, “Qalbim eshigini qoq”, “Malikam endi qara” va boshqa ko‘plab seriallarda bosh rolni ijro etgan Hande Erchel ham ushbu ro‘yxatdan o‘rin oldi. Dizi muxlislarining fikriga ko‘ra, unga “Qalb yarasi” va “Hukmdor Usmon” tarixiy dramasi orqali tanilgan Zehra Yilmaz juda o‘xshaydi. Ikkala aktrisa ham turk kino sanoatida o‘z o‘rniga ega.
Izoh (0)