Taniqli turk aktyorlarining filmografiyasida ko‘plab yorqin va takrorlanmas rollari mavjud. Shunga qaramay, dizi yulduzlarining boshqalardan ajralib turadigan va tomoshabinlar xotirasida abadiy qolgan obrazlari borligini rad etib bo‘lmaydi.
1. Sulton Sulaymon
“Muhtasham yuz yil” seriali eng mashhur turk loyihalaridan biridir. Sulton Sulaymon haqida gap ketganda tomoshabinlar darhol Halit Ergenchni eslashadi. Aynan u Usmonlilar imperiyasining eng buyuk hukmdorlaridan biri obrazini ekranlarda aks ettirish sharafiga muyassar bo‘lgan. E’tiborlisi, mazkur rolga Halit hech qanday tanlovlarsiz qabul qilingan. Aktyor uzoq vaqt davomida tarixiy manbalarni o‘rganib chiqqan va filmni suratga olishga tayyorgarlik uchun ko‘p vaqt sarflagan. Natija esa uzoq kuttirmagan: sulton Sulaymon tomoshabinlarga juda manzur bo‘ldi. Uning chuqur va hissiy jihatdan boy ijrosi tufayli nafaqat Turkiyada, balki xorijda ham tomoshabinlar Usmonli imperiyasi tarixiga qiziqish bildira boshladi.
2. Yamach Kovochali
Turk seriallari orasida yana bir mashhur loyiha — “Chuqur” nafaqat erkaklar, balki ayollar tomonidan ham e’tirofga sazovor bo‘lgan. Aras Bulut Iynemli haqida gap ketganda, darhol Yamach Kochovali yodga tushadi. Uning qahramoni ko‘plab qiyinchiliklarni boshidan kechirgan va Aras o‘z rolini qoyilmaqom ijro etgan.
3. Ferhat
42 yoshli aktyor Ibrohim Chelikkol ko‘plab muvaffaqiyatli va unutilmas rollari bilan tanilgan, biroq muxlislar uni “Oq-qora sevgi” filmidagi Ferhat obrazi orqali tanidi. Uning Birche Akalay bilan tandemi eng esda qolarli obraz sifatida tan olinadi. Serial allaqachon yakuniga yetganiga qaramay, ashaddiy tomoshabinlar ertami-kechmi, loyihaning davomi suratga olinishiga ishonadi.
4. Behlul
Aktyor Kivanch Tatlitug‘ “Taqiqlangan sevgi” serialida Behlul Haznedar ismli qahramon — Bihterning sevgilisi va Adnanning jiyanini ijro etgan. Uning obrazini barcha uchun namuna deb atash qiyin bo‘lsa-da, Behlul qahramoni Tatlitug‘ filmografiyasida eng muhim va unutilmas rollardan biriga aylandi.
5. Murat
Burak Deniz “Marashlik” va “Malikam, endi qara” serialidagi rollari tufayli tomoshabinlar e’tiborini qozondi. Uning Murat obrazi kabi murakkab va ko‘p o‘lchovli personajlarni o‘ynash qobiliyati aktyorga shuhrat va tanqidchilarning e’tirofini olib keldi. Uning tabiiyligi va his-tuyg‘ularini yetkazish qobiliyati aktyorni turk seriallari olamida muhim shaxsga aylantirdi.
6. Omer
Barish Arduch muxlislarni rollar soni bilan emas, balki loyihalari sifati bilan xursand qilishni afzal ko‘rgan turk aktyorlaridan biridir. Bugungi kunda aktyor 15 dan ortiq loyihalarda suratga tushgan, ammo ko‘pchilik muxlislar uchun u abadiy “Ijaraga olingan sevgi” dagi Omer bo‘lib qoladi. Aktyor serialda moda biznesida muvaffaqiyatga erishgan yosh va kelishgan yigitni ijro etgan va mazkur turk melodramasi butun dunyoda eng yuqori baholangan.
7. Usmon G‘oziy
Burak O‘zchivit “Hukmdor Usmon” va “Sevgi iztirobi” teleseriallaridagi rollari tufayli ko‘plab tomoshabinlarning sevimlisidir. Uning chiroyli ko‘rinishi kuchli xarizma bilan birgalikda unutilmas personajlarni yaratishga yordam berdi.
Aktyor “Hukmdor Usmon” tarixiy seriali chiqishi bilan turk seriallarining jahon bozoridagi mavqeyini mustahkamlab, millionlab muxlislarning kumiriga aylandi. Drama shu qadar muvaffaqiyatli bo‘ldiki, suratga olish ishlari 2019-yildan beri to‘xtamadi. Hozirda O‘zchivit eng ko‘p muhokama qilinadigan va katta gonorar oladigan yulduzlardan biridir. Uning “Hukmdor Usmon”dagi Ertug‘rulning o‘g‘li obrazini bu loyihani hech qachon ko‘rmagan turk tomoshabini ham taniydi. Shuningdek, Burak “Sevgi iztirobi” dagi Kamol roli bilan ham muxlislarning yodida qolgan.
8. Emir Kozjuo‘glu
Kaan Urganjio‘g‘lu “Sevgi iztirobi” teleserialidagi roli tufayli mashhurlikka erishdi. Uning yovuz qahramoni nafaqat serialni yanada dinamik qildi, balki tomoshabinlarni ushlab turuvchi kerakli miqdordagi dramani qo‘shdi. Kaan o‘z fe’l-atvorining barcha murakkabligi va nomuvofiqligini ko‘rsatishga muvaffaq bo‘ldi, bu esa unga tanqidiy e’tirof va jamoatchilik muhabbatini olib keldi.
Shuningdek, aktyor “Adolat” filmidagi prokuror Ilgaz Kaya obrazini ham qoyilmaqom ijro etdi. Ajoyib ko‘rinishi va murakkab hissiy sahnalarni o‘ynash qobiliyati uni turk televideniyesining haqiqiy timsoliga aylantirdi. Bu esa uning iste’dodi kuchliligini yana bir bor tasdiqlaydi.
9. Ferit Korxan
Aktyor avvalroq “Muhtasham yuz yil: Ko‘sem imperiyasi”da epizodik rol hamda “Fazilat xonim va qizlari” teleserialida kichik rol o‘ynagan. So‘ng 2022-yilda “Qo‘rg‘on sirlari” seriali namoyishi boshlanadi. Dastlabki epizodlardanoq u yetakchi loyihaga aylandi, undagi aktyorlar ham jahon miqyosida shuhrat qozondi. Serialda Mert Ramazon Turkiyadagi mashhur zargarning dangasa, qaysar va xudbin nabirasi Ferit Korxan obrazini gavdalantirdi. Aynan shu serial turk aktyoriga o‘z mahoratining ko‘p qirraliligini namoyish etishga imkon berdi. U o‘z fe’l-atvoriga shu qadar yaxshi ko‘nikib qolganki, ko‘plab sahna ortidagi videolarda aynan kim — Mert yoki Ferit turganini tushunish qiyin bo‘lgan.
10. Serkan Bolat
Kerem Bursin har qanday janrda iste’dodli ekanini bir necha bor isbotlagan yulduzlardan. U “Qalbim eshigini qoq” serialida Serkan Bolat roli orqali barchaga tanish. Bundan tashqari, mazkur rolidan avval aktyorning turli mamlakatlardan muxlislari bo‘lgan. “Quyoshni kutib” seriali namoyish etilgandan so‘ng Kerem Bursin boshqa rejissyorlar e’tiboriga tushgan va uning karyerasi yuksala boshlagan.
Izoh (0)