So‘nggi kunlarda sevimli turk aktyorlari hayotida nimalar bo‘lganini kuzatishga ulgurmagan muxlislar uchun quyidagi maqolada dizi olamidagi eng so‘nggi va qiziqarli yangiliklarni to‘pladik.
Chetin Tekindor “Qo‘rg‘on sirlari” serialiga qaytadi
Xolis og‘a yana ekranlarga qaytadi. Turk insayderlarining so‘zlariga ko‘ra, Feritning bobosi xonadonda tartib o‘rnatish va uning yo‘qligida qarindoshlari tomonidan qilingan barcha xatoliklarni tuzatish uchun tez orada Turkiyaga qaytadi. Chetin Tekindor shaxsiy shifokorining tavsiyalari bilan birinchi epizodlarda ishtirok etmagan edi. “Qo‘rg‘on sirlari”ning ko‘plab muxlislari Xolis Korxanning kelishi bilan syujet mantiqan haqiqatga yaqin bo‘lishiga umid qilmoqda.
Demet O‘zdemirning sobiq turmush o‘rtog‘i o‘ziga yangi qalliq topdi
Ajrimdan keyin Demet O‘zdemirni qaytarishga bir necha bor uringan musiqachi Og‘uzxan Koch yangi sevgisini topdi. U “Chuqur” serialida tanilgan aktrisa Hazal Subashi bo‘lib, juftlik munosabatlari haqidagi yangiliklarni ijtimoiy tarmoqlar orqali e’lon qildi. Ba’zi dizi muxlislari Hazalning tashqi ko‘rinishi Demetga juda o‘xshab ketishini payqadi. Demak, Og‘uzxan his-tuyg‘ulari hali ham uni tinch qo‘ymayapti, deb yozadi muxlislar.
Serkan Chayo‘g‘luni O‘zge Gurelga xiyonatda qo‘lga olishga harakat qilishdi
“Olcha mavsumi” serialida suratga tushgandan keyin munosabatlarni boshlagan juftlikka barchaning havasi keladi. Ammo hafta boshida aktyor Serkan Chayo‘g‘luni go‘zal notanish qiz bilan Zinjirlikuyu savdo markazining avtoturargohi yonida suratga olishdi. Kameralarning chaqnashidan qo‘rqib ketgan aktyor va uning hamrohi zudlik bilan avtoturargohni tark etdi.
Oradan bir kun o‘tgach, Serkan bo‘lib o‘tgan voqeaga menejerlari orqali munosabat bildirdi va o‘sha kuni uning yonidagi qiz O‘zgening jiyani ekanligini aytdi.
Barish Arduch va Hande Erchel yangi serialda birga suratga tushishi mumkin
“Uni shamolga qoldiring” filmida birgalikda ishlagan yulduzli duet tez orada ekranda birgalikda chiqishi mumkin. Ikkala aktyorga ham Disney+ platformasi uchun yangi serialda ishtirok etish taklifi berilgan. Hozirda ular ssenariy bilan tanishmoqda. Agar Barish ham, Hande ham syujetni qiziqarli deb topsa, ular yangi loyihada juftlik rolini ijro etadi.
“Qizil sharbat” serialidagi ba’zi sahnalar senzura qo‘mitasi tufayli olib tashlandi
Hozirgi kunda turk seriallarini faol tarzda monitoring qilib borayotgan RTÜK davlat tashkiloti tekshiruvlari allaqachon o‘z mevasini bermoqda. Shu sababli “Qizil sharbat” serialidagi va boshqa ko‘plab loyihalardagi turk qadriyatlari va milliy urf-odatlariga zid bo‘lgan sahnalar olib tashlanmoqda. Jumladan, Giray va Heves o‘rtasidagi sahnalar — yosh yigit va uning o‘gay onasi o‘rtasidagi munosabatlar mutlaqo nomaqbul ko‘ringan. Natijada, jiddiy jarima olmaslik uchun ularning ishtirokidagi aksariyat sahnalar shunchaki kesib tashlandi. Tomoshabinlar ham bu qarordan mamnun bo‘lishdi. Ehtimol, yaqin orada bu aktyorlar loyihadan butunlay chetlashtiriladi.
Britaniyalik aktrisa Emma Uotson turk serialida ishtirok etishi mumkin
Ijtimoiy tarmoqlar va turk matbuotida aktrisa Emma Uotson Turkiyaning yangi loyihasida ishtirok etishi mumkinligi haqida mish-mishlar tarqalmoqda. Ilgari uning Disney+ dagi “Otaturk” filmida rol o‘ynashi bashorat qilingan edi, ammo bu xabarlar yolg‘on bo‘lib chiqqan. “Garri Potter” filmi yulduzi aynan nima uchun Turkiyaga kelishi noma’lum, ammo bu safar yangiliklar haqiqatga yaqin ko‘rinadi. Chunki Turkiya seriallari AQSH, Britaniya va Yevropa davlatlarida ham katta qiziqish bilan tomosha qilinmoqda.
Idris Nebi Tashkan va Buse Meral ajrashdi
“Taqdir o‘yini” seriali aktyori va “Shafqatsiz” seriali aktrisasi munosabatlari to‘yga yetmay tugadi. Ular ajralishlarining rasmiy sababini ma’lum qilmadi, ammo turk jurnalistlari fikricha, Idrisning loyihadagi yangi hamkori Melis Tuzyunguch barchasiga sababchi ekanligiga ishonmoqda. Qayd etilishicha, Buse Meral qallig‘ining filmlarda intim sahnalarni suratga tushishiga qarshi chiqqan, biroq Idris bundan bosh tortmagan.
Internetda Afra Saracho‘g‘lu va Mert Ramazon Demirning “yashirin to‘yi”dan olingan video tarqalmoqda
Tomoshabinlar e’tibori ijtimoiy tarmoqlarda bir-birlariga yana obuna bo‘lgan, doim bir-birining postlariga izoh va layklar qoldira boshlagan Afra va Mertning yarashganiga qaratilgan. Shunday yangiliklar fonida kimdir mehmonlarga to‘la kichik yaxtada o‘tkazilayotgan to‘y videosini tarmoqlarga joylashtirdi.
Ko‘rib turganimizdek, videotasvir noaniq bo‘lib, undagi kelin va kuyovning kim ekanligini ilg‘ab bo‘lmaydi. Ammo manba mualliflari bu to‘y aynan Afra va Mertga tegishli, deya ta’kidlamoqda.
“Leyla” serialidagi Alperen Juymaz ota bo‘ldi
Hozirda “Leyla” serialida Jivan rolida suratga tushayotgan aktyor Alperen Juymaz farzandli bo‘ldi. Uning o‘g‘li 2024-yil 12-oktyabrda dunyoga keldi, ammo kasalxonada olingan suratlarni aktyor kuni kecha e’lon qildi. Alperen shaxsiy hayotini namoyish qilmaslikni afzal ko‘radi, shuning uchun uning muxlislari deyarli barcha yangiliklardan kechikib xabardor bo‘ladi.
“Qo‘rg‘on sirlari” seriali 2024-yil dekabr oyida yakunlanishiga turk OAVning ishonchi komil
Avvaliga internetda “Qo‘rg‘on sirlari” seriali 2024-yilning noyabrida yopilishi haqida mish-mishlar tarqalgan edi, biroq Chetin Tekindor loyihaga qaytayotgani ma’lum bo‘lgach, turkiyalik jurnalist Birsen Altuntash xabar bilan chiqdi: final 2024-yil dekabrida bo‘lib o‘tadi.
Izoh (0)