Turk film va seriallari odatda melodrama yoki tarixiy janrga xos bo‘lishiga dizi tomoshabinlari o‘rganib qolgan, chunki fentezi yoki detektiv kabi janrlar turk kinematografiyasida ancha kam uchraydi. Biroq joriy yilda vaziyat biroz o‘zgaradi, chunki tomoshabinlarni mo‘jizalar va ertaknamo sarguzashtlarga to‘la noodatiy loyiha kutmoqda.
“Tete va ertak: tushlar diyori” (“Tete ve Masal: Rüyalar Diyarı”) nomli yangi film 2025-yil 24-yanvarda Turkiya kinoteatrlarida namoyish etilishi kutilmoqda. Unda taniqli aktrisa Fahriye Evjen Amazon qirolichasi, Pelin Karaxan esa malika Prinyezel obrazida namoyon bo‘ladi.
Film asosan mehr, do‘stlik va oilaviy qadriyatlar haqida hikoya qiladi. “Tete va ertak: tushlar diyori” tomoshabinlarni hayotning muhim jihatlari ustida mulohaza yuritishga undaydi. Syujetda bosh qahramon — Tete ismli qizning hayotida sodir bo‘layotgan qiyinchiliklar ertaklar olamining qiziqarli voqealari bilan uyg‘unlashadi.
Izoh (0)