Turkiya — bu lazzatli taomlar, mehmondo‘st insonlar, tarix va zamonaviylik mukammal uyg‘unlashgan mamlakat. Har yili turk prodyuserlari dizi muxlislari uchun ko‘plab yangiliklarni tayyorlaydi. Ular uzoq davom etadigan an’anaviy ishqiy melodrammalar, detektiv, triller va hatto fantastika janrlaridagi dramatik loyihalarni ham o‘z ichiga olgan. Quyida joriy yilda premyerasi kutilayotgan eng sara turk seriallarining qisqacha syujeti bilan tanishamiz.
“Qor parchalari”
“Qor parchalari” serialida katta oiladagi murakkab munosabatlar haqida hikoya qiladi. Nufuzli Hijron sulolasining boshlig‘i bir-biri bilan yaxshi munosabatda bo‘lmagan barcha qarindoshlarini birlashtirishga qaror qiladi. Muammo shundaki, aynan u bir vaqtlar yaqinlari juda ko‘p muammolarga duch kelishiga sabab bo‘lgan.
Bosh rolda “Beqaror” va “Guljamol” seriallari yulduzi Ayda Aksel ijro etgan.
“Qirol yutqazsa”
Arxitektor va muharrir ikkisi sevgida muvaffaqiyatsizlikka uchraganidan keyin tanishib qoladi. Ularni sirli telefon qo‘ng‘irog‘i birlashtiradi. Kutilmagan romantika qalblarni davolashga va yangi his-tuyg‘ular uchun ochilishga yordam beradi.
Bosh rollarni Hande Erchel, Barish Arduch va Sezin Akbasho‘g‘ullari ijro etgan.
“Turk”
Serialda Usmonli imperiyasi hududini g‘arb tomonga kengayishining nihoyasiga yetishi hamda Vena jangida turklarnig mag‘lub bo‘lishi kabi tarixiy voqealar yoritiladi.
Harbiy Balaban og‘a davlatga xiyonatda ayblanib, o‘limga hukm qilinadi. Og‘ir yarador bo‘lishiga qaramay, o‘limdan qutulib qolishga muvaffaq bo‘ladi. Buning uchun u Italiya tog‘larida yashirinadi. U yerdagi italyan qiz Balabanni davolaydi. Bunga javoban Balaban mahalliy aholini katta soliqlar soladigan feodallardan himoya qila boshlaydi. Ammo kunlarning birida Balabanning eski dushmani — shafqatsiz ritsar Marko paydo bo‘ladi.
Bosh rollarda Jan Yaman, Ferro Greto va Kemp Uill kabi aktyorlar ishtirok etgan.
“Bandirmadagi raketa klubi”
Serialdagi voqealar 1920-yillarda Turkiyadagi ijtimoiy-siyosiy islohotlar fonida bo‘lib o‘tadi. Bosh rolda izmirlik Ayshe ismli qiz bo‘lib, uning hayoti dramatik voqealardan keyin keskin o‘zgaradi.
“Iffat muzeyi”
Erining xiyonatidan keyin Karsu uch farzandi bilan ota uyiga qaytadi. U onasi bilan munosabatlarini yaxshilash uchun ko‘p kuch sarflashi kerak bo‘ladi. Qiyinchiliklarga qaramay, u shaxsiy hayotini qaytadan qurishga va insonlarga yana ishonishni o‘rganishga intiladi.
Izoh (0)