2023-yil yanvar oyida taniqli turk aktyori, xonanda va rejissyor O‘zjan Deniz o‘zidan 22 yosh kichik ayol — eronlik dizayner Samar Dadgarga uylangan edi. Turk seriallari yulduzining bu tanlovi minglab muxlislarini va yaqin qarindoshlarini hayratda qoldirdi. Ammo Denizning so‘zlariga ko‘ra, yoshdagi farq ularning oilaviy baxtiga to‘sqinlik qilm
aydi.
Ularning ishqiy munosabatlari 2021-yilning yozida O‘zjanning “Seni uzoq kutdim” nomli yangi loyihasini suratga olish vaqtida boshlangan. Aktyorning o‘zi Dadgarga turmush qurish taklifini bildirgan, ammo uning onasi bu nikohga va o‘g‘lining navbatdagi o‘zidan ancha yosh qiz bilan munosabatiga qarshi bo‘lgan. Juftlik munosabatlarini uzoq vaqt sir saqladi, ammo his-tuyg‘ular jiddiy ekaniga ishonch hosil qilgandan so‘ng, uni oshkor qilishga qaror qildi.
O‘zjan va Samarning to‘yidan bir necha oy o‘tgach, aktyor o‘zining akasi va menejeri bo‘lgan Erkan Demir bilan hamkorlik qilishdan bosh tortdi. Ma’lum vaqt o‘tib, aktyorning onasi bilan aloqalarni uzgani haqida mish-mishlar tarqala boshladi.
Dengizning singlisi Yurdaning so‘zlariga ko‘ra, kelini Samar moddiy manfaat olish uchun O‘zjanga turmushga chiqqan. Qolaversa, uning salbiy xulq-atvori tufayli aktyor yaqinlaridan yuz o‘girgan. Bunga javoban so‘ng aktyor singlisiga ochiqchasiga e’tiroz bildirdi va unga qarshi qo‘ygan ayblovchi dalillarni e’lon qilish bilan singlisiga tahdid qildi. Shuningdek, O‘zjan Deniz doimo rafiqasi tarafida bo‘lishini eslatib qo‘ydi.
Turk aktyori oilasidagi mojarolar ortda qolgandek edi, ammo O‘zjanning ukasi Erkan Demir yangi bayonot bilan chiqdi.
Tube Bedrik telekanaliga bergan intervyusida u O‘zjan Denizni o‘z onasini uydan haydab, singlisi Yurdani bolasining ko‘z o‘ngida kaltaklaganini aytdi. Erkan Demirning bu so‘zlari jamoatchilikni hayratda qoldirdi.
Unga qaratilgan barcha ayblovlarga O‘zjan quyidagicha javob berdi:
“Men va oila a’zolarim o‘rtasida endi hech qanday aloqa yo‘q. Bularning bari mening yaramas singlimning aybi bilan bo‘ldi”, dedi.
Avvalroq O‘zjan Deniz bir necha bor oilasi bilan munosabatlarini saqlab qolishni istashini, ammo buning uchun ular aktyorning tanlovi — rafiqasi Dadgarni hurmat qilishlarini va u bilan yaxshi munosabatda bo‘lishlarini istashini ma’lum qilgan.
Eslatib o‘tamiz, O‘zjan Deniz o‘zbek tomoshabinlariga “Ishkomli uy”, “Iyun oqshomi” va “Istanbullik kelin” va so‘nggi kunlarda mashhurlikka erishayotgan “Qirmizi atirgul” seriallari orqali tanish.
Izoh (0)