Turk seriallari yulduzi, taniqli aktyor Burak O‘zchivit TN telekanaliga bergan intervyusida oilasi bilan Yangi yilni qanday nishonlashi haqida so‘zlab berdi. Uning ta’kidlashicha, Turkiyada ham Yangi yil bayrami xuddi MDH davlatlaridagidek nishonlanadi. O‘zining avvaldan rejalashtirilgan va tig‘iz kun tartibiga qaramay, O‘zchivit bayram tushligini oilasi davrasida va do‘stlari bilan o‘tkazishni ma’qul ko‘radi.
Aktyorning so‘zlariga ko‘ra, Burak o‘z kasbini juda yaxshi ko‘radi va har bir loyihaga jiddiy yondashadi. Uning ish grafigi doim band bo‘ladi, ammo aynan Yangi yil bayramini yaqinlar davrasida nishonlash uchun vaqt topadi.
“Umuman olganda, men juda mehnatkash odamman. Men hatto yakshanba kunlari ham hech qachon dam olmayman, ammo yangi yil kuni men odatda ota-onam, oilam, qarindoshlarim bilan birga bo‘laman”, dedi aktyor.
Turkiyada ham bayram arafasida qarindoshlar holidan xabar olish, yaqinlarga sovg‘alar ulashish odat tusiga aylangan. Burak O‘zchivitning so‘zlariga ko‘ra, turklar salyutlarni tomosha qilishni yaxshi ko‘radi. Qishki bayramda mushakbozlik shoulari asosan Bosfor bo‘g‘ozi tomonda namoyish etiladi.
Eslatib o‘tamiz, Burak O‘zchivit so‘nggi marta Rossiyada suratga olinadigan yangi “Siz bilan uzoq vaqt qolaman” (“Я к тебе надолго”) nomli serialda bosh qahramon rolini ijro etdi. Ushbu romantik komediyada to‘satdan Moskvaga qaytgan turkiyalik mashhur yulduz va uning sarguzashtlari haqida hikoya qilinadi. Serialning birinchi qismi 2025-yil dekabr oyida Ivi onlayn platformasida namoyish etiladi.
Izoh (0)