Agar turk kinosi bilan birinchi marta tanishayotgan bo‘lsangiz, hissiyotlaringiz sezilarli darajada o‘zgarishi mumkin, chunki bu seriallarda hech kimni befarq qoldirmaydigan alohida muhit mavjud.
Biroq turk kino mahsulotlarini tomosha qilish bo‘yicha yetarlicha tajribaga ega bo‘lsangiz, yangiliklarga shubha bilan qaray boshlaysiz va seriallarni tomosha qilish asta-sekin sizni asabiylashtirishi mumkin.
Turkcha seriallarning kamchiliklari
Cho‘zilib ketgan xronometraj
Har holda 1 qismning 2-2,5 soat bo‘lishi yetarlicha katta format. Agar serial qiziqarli bo‘lsa, ba’zan bu vaqt sezilmasdan o‘tib ketadi. Bunday loyihalar esa unchalik ko‘p emas, shuning uchun seriallarni uzoq tomosha qilish baribir tomoshabinni zo‘riqtiradi.
-nEx0lEdk.webp)
Standart syujet burilishlari
Turk seriallaridagi eng tez-tez takrorlanadigan holat — bu amneziya, xotira yo‘qolishi, qahramonlardan biri o‘tmishdagi voqealarni eslay olmaydigan holatlar. Hatto uzoqqa bormasdan, so‘nggi yillarning eng mashhur turdizi romkomlaridan ikkitasi — “To‘rg‘ay” va “Qalbim eshigini qoq” seriallarida xotira yo‘qotish mavzusi mavjud. Bosh qahramonlar Serkan va Jan baxtsiz hodisalardan keyin xotirasini yo‘qotadi.
-XxZ8fmIf.webp)
Romantik lahzalar ham deyarli bir xil — yopiq joylardan qo‘rqib hushidan ketgan qizlar, liftning to‘xtab qolishi, yomg‘irda shalabbo bo‘lish, favvoralar va sug‘orish qurilmalaridan suv sachrashi. Ha, bunday sahnalar chiroyli ko‘rinadi, lekin barchasi bir-biriga o‘xshash.
-yeUHC_As.webp)
Bundan tashqari, ssenariynavislar tomoshabinlarni hayajonlanishga majbur qilish uchun bosh qahramonlarning janjal va ajralish sahnalaridan foydalanadi. “Ijaraga muhabbat” serialida Defne va Omer ajrashib, bir yildan ko‘proq vaqt alohida yashaydi. “To‘rg‘ay”da Jan ham San bilan janjallashgandan so‘ng bir yildan ko‘proq vaqtga ketadi va yangi uchrashuv ularning munosabatlarining yangi bosqichiga aylanadi, ammo... xotira yo‘qolishi yana sevgilisi bilan birga bo‘lishiga to‘sqinlik qiladi.
-rI2ElV3I.webp)
Mantiqsiz syujet chiziqlari
Har qanday odamni mantiqsizlik hafsalasini pir qiladi. Turk seriallarida bu juda ko‘p uchraydi. Ularning aksariyatida muhim detallarga e’tibor berilmaydi, diqqat bilan yaratilgan intrigalar qayergadir yo‘qolib ketadi, izohlarni tomoshabinlar o‘zlaricha o‘ylab topishga majbur, chunki ssenaristlar o‘zlari yozgan syujet chiziqlariga shunchaki e’tibor bermay qo‘yishadi.
-TfyQO5n1.webp)
Lekin bunday e’tiborsizlikning natijasi har doim bir xil bo‘ladi: hamma sevgan qahramonlar ham bunday syujet ichiga tushib qolsa, tomoshabinlarni asabiylashtira boshlaydi. “Istanbulning ikki yuzi” serialida bosh qahramon qandaydir kasallikdan aziyat chekadi (Majit uni birinchi uchrashuvdan keyin uyiga olib ketida qiz hansirab qoladi, unga ingalyator kerak bo‘ladi), ammo 2-3 marta kuchli xurujlardan so‘ng ssenariy mualliflari Nerimanning kasalligini unutishadi va loyiha oxirigacha uni eslamaydilar.
-KtTDuoWY.webp)
Yoki ijtimoiy tarmoqlardagi fikr-mulohazalarga quloq solib, syujet chizig‘ini rivojlantira boshlaydilar, keyin esa uni butunlay “aralashtirib yuboradilar”. Reytinglar oshishini kutishadi, lekin umidlari puchga chiqadi — qo‘shimcha syujet chizig‘i tezda o‘zgartiriladi.
-rEjbWp4m.webp)
Albatta, bir necha yil davom etadigan, qo‘shimcha syujetlarning rivojlanishi asosiy hikoya zanjiriga mos keladigan, seriallarga intriga qo‘shadigan uzoq muddatli loyihalar ham bo‘ladi. Bu tarixiy seriallar, turli bemorlar haqida hikoya qilinadigan tibbiy mavzudagi loyihalar yoki mijozlar almashadigan, yangi ishlar tekshiriladigan huquqni muhofaza qilish organlari va advokatlik idoralari faoliyati haqida bo‘lishi mumkin.
-QG_LXCK3.webp)
Ba’zida esa ajoyib boshlangan loyihalar ssenariy mualliflariga fantaziya yetishmagani uchun mantiqsizlik bilan tugaydi. “Beqaror”, “Qo‘rg‘on sirlari” seriallari boshida juda qiziqarli edi, ammo keyinchalik syujet tobora noreal bo‘lib qoldi.
-Nn-0ECvC.webp)
Serial davomida asosiy qahramonlarning yo‘qolib qolishi
Bunday holatlar turdizida tez-tez uchrab turadi. Ba'zan bu qahramonning kasalligi tufayli yuz beradi. Masalan, “Elchining qizi” serialida Neslixon Atagul sog‘lig‘idagi muammolar sabab loyihani tark etadi. U ketishi bilan syujet chizig‘i jiddiy o‘zgarishlarga uchrab, Sanjar boshqa bir qizni sevib qoladi. Nahotki Neslixon Atagul bilan kelishib, serialni boshqacha yakunlashning imkoni bo‘lmagan? Hech bo‘lmasa, nikoh marosimi bilan. Yoki yangi qahramonni aviahalokatdan keyin plastik operatsiya qildirgan va yana Sanjar yoniga qaytgan o‘sha Nare qilib ko‘rsatish mumkin edi. Shunda ularning muhabbati saqlab qolingan bo‘lardi.
-voTHnnTr.webp)
“Qizil sharbat”da Abdulla rolini o‘ynagan Settor Tanriogenning kasalligi tufayli o‘rniga boshqa aktyor Axmet Mumtaz Taylan keladi. Shunchaki aktyor o‘zgaradi, chunki qahramonning xarakteri o‘zgarmaydi va syujet liniyasi saqlanib qoladi.
-1z9h77GF.webp)
Loyihaning kutilmaganda yopilishi va qisqartirilgan final
Bu turk seriallari ijodkorlariga nisbatan asosiy e’tirozlardan biri. Ha, tushunarli, reytingga ko‘tarilmaganidan keyin kanal rahbariyati loyihani tugatishni tezlashtiradi, ammo seriallarning kutilmaganda yopilishi eng yoqimsiz holatdir.
-W1RsEiNj.webp)
Ba’zida bir necha mavsum davom etayotgan loyihalar ham tezda yakunlanadi — 30 daqiqa ichida ssenariy mualliflari bosh qahramonlarning taqdiri qanday bo‘lganini ko‘rsatishga harakat qilishadi. Ba’zan tomoshabinga asosiy syujet chiziqlarini yakunlab, ozmi-ko‘pmi mantiqiy yakun taqdim etiladi. Qolganlarini esa faqat taxmin qilish mumkin.
Eng yomon holatda “Qo‘shni xona”, “Muhabbat rishtalari”, “Oltin qafas” seriallarida bo‘lgani kabi yarim so‘z bilan uzilib, yakunlanadi.
-w8OIGzQ_.webp)
Juda ko‘p ko‘z yoshi
Turk seriallaridagi hissiy sahnalar juda kuchli bo‘lib, aktyorlar personajning his-tuyg‘ularini faqat ko‘zlari, mimikasi va holati bilan juda yaxshi ifodalaydi. Bunday ijro juda ta’sirchan, tomoshabinlarni o‘ziga tortadi. Ammo ba’zida haddan tashqari ko‘p ko‘z yoshlari tomoshabinni zeriktiradi.
Ayollarning yig’lashini tushunsa bo‘ladi, lekin turk seriallarida erkak qahramonlar ham tez-tez yig‘lashadi. Ba’zida bu to‘g‘ri, chunki erkaklarning ham his-tuyg‘ulari bor, bunday holat personajning ichki dunyosini ko‘rsatish uchun muhim bo‘lishi mumkin. Ammo erkaklar nafaqat ko‘z yosh to‘kadi, balki ho‘ngrab yig‘laydi. Bunday vaziyatda, tomoshabin sifatida bir necha daqiqa davomida turli rakurslardan bu emotsiyalarni kuzatish biroz charchatishi mumkin.
-WPilEbgt.webp)
Filmlarda hech qachon yig‘lamagan yagona turk aktyori bu — Jan Yaman bo‘lsa kerak. Har holda, uning ishtirokidagi birorta loyihada uning qahramonini ochiqchasiga yig‘lagan holda ko‘rmaysiz. “To‘lin oy” serialida Ferit vafot etgan singlisi bilan o‘tkazgan damlarini eslagan sahna bor. Ammo u yerda ham aktyor yig‘lamaydi, shunchaki ko‘zlari jig‘ga yoshga to‘ladi. Sevgan odamini qo‘msashning bunday vazmin ko‘rinishi ochiq yig‘idan ko‘ra ko‘proq his-tuyg‘ularni uyg‘otadi. Lekin Akin Aknozyu, Engin Akyurek doim chin ko‘ngildan yig‘laydi.
-4IbKBKth.webp)
Turk seriallarining afzalliklari
Agar turk seriallarining afzalliklari haqida gapiradigan bo‘lsak, ular ham ko‘p. Bu ajoyib musiqiy uyg‘unlik, chiroyli joylar, xilma-xil shakllar va ranglar, ajoyib zamonaviy liboslardir. Bordi-yu, chiroyli juftlik paydo bo‘lsa, hamma narsani unutib yuborasan va vaqt o‘tganini sezmay qolasan. Syujetdan manyiq izlamaysan, shunchaki tomosha qilishdan zavqlanasan.
-jfukF6Vf.webp)
Izoh (0)